אידישע קינדער זענען מתפלל ומעתיר בתפילה לרפואת הגאון הגדול רבי דוב קוק שליט"א פון די גרויסע מקובלים אין ארץ ישראל, וועלכער געפונט זיך ליידער אין שפיטאל אין א גאר שווערן צושטאנד, און איז אנגעוויזן אויף רחמי שמים מרובים.
הגאון הגדול רבי דוב שליט"א וועלכער איז באקאנט מיט זיין געוואלדיגע עבודה במסירת נפש ממש, איז היינט צופרי אריינגעפירט געווארן צו די פוריה שפיטאל בעיר מושבו אין טבריה, נאכן ליידן פון א שווערע לונגען אנטצינדונג וואס האט צוגעברענגט נאך קאמליקאציעס רח"ל.
יעצט נאכמיטאג אין ארץ ישראל האבן די פראפעסארן אין שפיטאל ארויפגעלייגט דעם רב אויף א רעספערעיטאר, נישט זעענדיג קיין אנדערע אויסוואל צו ראטעווען דעם רב פון דעם שווערן מצב. אידן איבער די וועלט ווערן גערופן צו מתפלל זיין לרפואתו, הגאון הגדול רבי דוב בן שושנה בתוך שאר חולי ישראל.
