בחצר הקודש טשערנאביל גרייט מען זיך אצינד אויף א געהויבענע און ערשטמאליגע שבת, ווען כ"ק אדמו"ר מטשערנאביל שליט"א וועט פראווענען א שבת בירושלים עיר הקודש ביים שריד בית מקדשינו דער כותל המערבי, אינאיינעם מיט צענדליגע נגידים ותומכים וואס שליסן זיך אן מיט גרויסע סכומים לטובת די טשערנאבילער בית המדרש אין ירושלים.
די בית המדרש וואס געפונט זיך אויף רחוב תובל אין ירושלים, און איז ביז היינט געווען געדונגען פאר די קהילה, וועט אין די יעצטיגע תקופה פולקאם אריינגיין לרשות הקדש ווען די קהילה קויפט אפ דעם גאנצן בנין און די שטח ארום, דעריבער איז געלאזט געווארן אין גאנג א גרויסע קאמפיין אויפצוטרייבן די נויטיגע געלטער צו קענען גומר זיין דעם מקח בכי טוב.
די אלע חסידים תומכים נכבדים וואס שליסן זיך אן מיט פופציג טויזענט שקל פארן גמר המקח וועלן האבן די זעלטענע זכיה מיטצוהאלטן דעם געהויבענעם שבת ביים כותל המערבי, ווען דער רבי וועט צום ערשטן מאל פראווענען א שבת דארט אין אלטשטאט אין די מנהרות הכותל, און פראווענען די טישן אויף א ספעציעלע פארנעם מיט די נדיבי לב. די שבת איז באשטימט אויף שבת קודש פרשת קרח אין ארץ ישראל, שבת מברכים חודש תמוז הבעל"ט.
