שמחת בית סלאנים: היינט קומט פאר די שמחת החתונה פון א אייניקל ביי כ"ק אדמו"ר מסלאנים שליט"א, די חתן א זון פון זיין איידעם הגה"צ ר' דוב בעריש שניאורסאן שליט"א, זון פון הגה"צ ראש ישיבת טשעבין שליט"א, מיט די כלה א טאכטער פון הגה"צ ר' שמחה ראבינאוויטש שליט"א, זון פון הגה"צ ר' הערשל ראבינאוויטש שליט"א ראש ישיבת באיאן, און איידעם ביי הגה"צ ר' שלמה וואסערמאן שליט"א אבד"ק לעלוב. – די שמחת החתונה קומט פאר אין זאל היכלי מלכות אין בני ברק.
שמחת בית שבט הלוי – שאץ: היינט קומט פאר די שמחת החתונה פון א אייניקל ביי כ"ק אדמו"ר משאץ שליט"א פון בני ברק, די חתן א זון פון זיין זון הגה"צ ר' יוסף ישכר דוב מאסקאוויטש שליט"א, איידעם ביי כ"ק אדמו"ר מלעלוב ירושלים זצ"ל, מיט די כלה א טאכטער פון הגה"צ ר' אברהם אלי' וואזנער שליט"א, זון פון כ"ק אדמו"ר משבט הלוי שליט"א, און איידעם ביי הגה"צ אבד"ק מאקאווא אלעד זצ"ל. – די שמחת החתונה קומט פאר אין ביהמ"ד הגדול שבט הלוי אויף רחוב דסלר אין בני ברק.
היינט קומט פאר די שמחת החתונה פונעם חתן א זון פון הגה"צ ר' יצחק יחיאל פאנעט שליט"א, זון פון כ"ק אדמו"ר מדעעש קרית יואל שליט"א, און איידעם ביי כ"ק אדמו"ר מדעעש אנטווערפן שליט"א, מיט די כלה א טאכטער פון הגה"צ ר' נתן קערפיל מרגליות שליט"א, זון פון הגה"צ ר' אלכסנדר אשר מרגליות שליט"א אבד"ק אהל משה ווינא, און איידעם ביי הגה"צ ר' בעריש קליינמאן שליט"א, איידעם ביי הגה"צ אבד"ק בערמעהט שליט"א. – די שמחת החתונה קומט פאר אין זאל גינת קליין אין קרית יואל.
היינט קומט פאר די שמחת החתונה פונעם חתן א זון פון הגה"צ ר' אליעזר יחזקאל שרגא לאנדא שליט"א, זון פון הגה"צ אבד"ק עדעלין קערעסטיר שליט"א, און איידעם ביי הגה"צ ר' יעקב אלי' אונסדארפער שליט"א אבד"ק מתיבתא ראשית חכמה מאנטריאל, מיט די כלה א טאכטער פון הגה"צ ר' ישראל דוד וואגשאהל שליט"א, זון פון הגה"צ ר' נפתלי וואגשאהל שליט"א מלאנצוהט, און איידעם ביי הגה"צ ר' אברהם מרדכי ליסויער שליט"א אבד"ק נאנאש ריווערדעיל. – די שמחת החתונה קומט פאר אין זאל עטרת טשארנא אין מאנסי.
שמחת בית הארנסטייפל: היינט קומט פאר די שמחת החתן מאהל פון א אייניקל ביי כ"ק אדמו"ר מזוועהיל ירושלים שליט"א, די חתן א זון פון זיין איידעם הגה"צ ר' חנני' יוסף דאנציגער שליט"א, זון פון הגה"צ ר' יחיאל דאנציגער שליט"א, זון פון כ"ק אדמו"ר מאלכסנדר זצ"ל בעל אמרי מנחם, מיט די כלה א טאכטער פון הגה"צ ר' שלמה פריעדמאן שליט"א, זון פון כ"ק אדמו"ר מהארנסטייפל שליט"א פון ביתר, און איידעם ביי כ"ק אדמו"ר מלעלוב ניקלשבורג שליט"א. – די שמחת החתן מאהל קומט פאר אין ביהמ"ד הארנסטייפל אויף רחוב החוזה מלובלין אין שטאט ביתר.
כ"ק אדמו"ר מצאנז שליט"א וועט היינט מיטוואך אנקומען צום בית החיים ותיקים אין נתני', אויף א תפילת רבים ביים ציון הק' פון אביו כ"ק אדמו"ר הרה"ק בעל שפע חיים זצ"ל, לרגל די יומא דהילולא קדישא וואס געפאלט היינט ט' תמוז.
כ"ק אדמו"ר מצאנז קלויזענבורג שליט"א וועט היינט מיטוואך אנקומען אויף תפילת שחרית אין די נייע בנין המתיבתא דחסידי צאנז קלויזענבורג אין בארא פארק, לרגל די יומא דהילולא קדישא פון אביו כ"ק אדמו"ר הרה"ק בעל שפע חיים זצ"ל וואס געפאלט היינט ט' תמוז, שפעטער פארנאכטס וועט דער רבי שליט"א אפרעכטן די יארצייט טיש אין ביהמ"ד הגדול צאנז קלויזענבורג אין בארא פארק.
כ"ק אדמו"ר מוויזניץ שליט"א פון לאנדאן וועלכער האט זיך אויפגעהאלטן די לעצטע דריי טעג אין ניו יארק לכבוד א משפחה שמחה, קערט זיך היינט צוריק למעון קדשו אין לאנדאן.
כ"ק אדמו"ר מסאסוב שליט"א וועלכער האט זיך אויפגעהאלטן די לעצטע דריי וואכן אין ניו יארק לטובת מוסדותיו הקדושים, קערט זיך היינט צוריק למעון קדשו אין קרית ישמח משה.
הגה"צ ר' זלמן לייב פילאפף שליט"א אבד"ק מכלל יופי וחבר ביד"ץ דקהל יטב לב ד'סאטמאר, לאזט זיך היינט ארויס אויף א נסיעה צו די מקומות הקדושים אין אייראפע אינאיינעם מיט פילע תלמידים וחסידים, לרגל די הילולא קדישא פון הרה"ק בעל עטרת צבי מזידטשויב זי"ע.
אריינצושיקן מודעות און נייעס, שיקט אן אימעיל צו NEWS@JDNMAIL.COM
