אפדעיט מאנטאג נאכמיטאג 3:00
לויט די פרישע באריכטן זענען אלע פאסאדזשירן ב"ה אין א סטאבילע צושטאנד, אויך די וואס זענען געווען קריטיש זענען שוין יעצט סטאביל ב"ה.
------
א שרעקליכע עקסידענט האט פאסירט היינט מיטאג אויפן פאליסעידס פארקוועי נישט ווייט פון מאנסי, וואו עטליכע קארס האבן זיך צוזאמגעקראכט אין די צייט וואס א שווערע רעגן הילט איין די ראיאן, און עטליכע אידן זענען ליידער קריטיש פארוואונדעט געווארן ה"י.
די עקסידענט האט פאסירט אויף די סאוטבאונד ליניע נעבן עקזיט 11, פילע עמערדזשענסי אגענטורן זענען אנגעקומען אויפן סצענע און באהאנדלט כאטש ניין פארוואונדעטע, עטליכע אמבולאנסן האבן אפגעפירט די פארוואונדעטע, טייל פון זיי נישט ביים באוואוסטזיין, אין די לאקאלע שפיטעלער פאר באהאנדלונגען. אידישע קינדער זענען מתפלל פאר די באטראפענע מען זאל בלויז הערן גוטע בשורות און אלע זאלן זיך ערהוילן שנעל און געשווינד.
