כ"ק אדמו"ר מסקולען שליט"א פון לעיקוואד איז ערווארטעט היינט ארויסצופארן אויף א געהויבענע נסיעה קיין ארץ ישראל לפאר על ראש שמחתו, מיט די פרייליכע שמחה ביים רבי'ן אין הויף, מיטן געבורט פון א צווילינג ביי זיין זון הגה"צ ר' אליעזר זוסיא פארטוגאל שליט"א, איידעם ביי הגה"צ ר' נחמן יוסף טווערסקי שליט"א מראחמיסטריווקא.
דער רבי שליט"א איז ערווארטעט צו לאנדן אין ארץ ישראל מארגן דינסטאג, און וועט שפעטער ביינאכט באשיינען די שמחת הוואכנאכט פון א אייניקל, דער רבי שליט"א וועט זיך אויפהאלטן אין ירושלים עיה"ק דורכאויס די ימי הביקור, און מיטוואך אינדערפרי וועט געפראוועט ווערן די שמחת הברית ברוב שמחה וחדוה.
שבת קודש וועט דער רבי שליט"א פראווענען אין ירושלים עיה"ק, אינאיינעם מיטן ברודער כ"ק אדמו"ר מסקולען שליט"א פון ירושלים, שטייענדיג אינעם שבת בעפאר די הילולא קדישא פונעם גרויסן זיידן כ"ק אדמו"ר הרה"ק בעל נועם אליעזר מסקולען זצ"ל.
נאך שבת וועט דער רבי שליט"א פארבלייבן אין ארץ ישראל פאר נאך עטליכע טעג, אינצווישן וועט דער רבי שליט"א ארויספארן קיין אתרא קדישא מירון אויף א תפילת רבים לקראת די ימי הרחמים והרצון.
