מארגן מאנטאג איז כ"ק אדמו"ר מראחמיסטריווקא שליט"א ערווארטעט ארויסצופארן אויף א קורצע נסיעה קיין אייראפע און אמעריקע, צו באשיינען עטליכע שמחות ביי נאנטע מקורבים און גדולי תומכי המוסדות, וואס שטייען שטענדיג לימין הקודש פונעם רבי'ן שליט"א מיט זיינע פילע פעולות צדקה וחסד.

לויטן פלאן וועט דער רבי שליט"א ארויספארן צוערשט קיין לאנדאן, און זיך אויפהאלטן אין לאנדאן פאר צוויי טעג. דינסטאג נאכט וועט דער רבי שליט"א באשיינען די שמחת החתונה פונעם חתן א זון ביי מקורבו הנגיד החסיד ר' דוד מרגליות הי"ו פון לאנדאן, וואס קומט פאר אין די יסודי התורה זאל אין לאנדאן.

צומארגנס מיטוואך וועט דער רבי שליט"א פארזעצן דעם וועג קיין ניו יארק, און מיטוואך נאכט וועט דער רבי שליט"א באשיינען די שמחת החתונה פונעם חתן א זון ביי מקורבו הנגיד החסיד ר' חיים בנציון פאלגער הי"ו פון מאנסי. צומארגנס דאנערשטאג וועט זיך דער רבי שליט"א אומקערן אהיים למעון קדשו אין ירושלים עיה"ק.