אומגלויבליך: קאמפליצירטע קשיות ווערן געפרעגט דורכ'ן פוסק הדור מרא דארעא קדישא און עס ווערט געענטפערט פליסיג דורך די 125 ש"ס אידן אברכים גאונים
מרן פוסק הדור הגאון האדיר רבי משה שטערנבוך שליט"א, איז אנגעקומען צו די סיום הש"ס פון רשת הכוללים ש"ס אידן אן קיין פריערדיגע צוגרייטנוג, און ער איז פארבעטן געווארן צו פארהערן די אברכים / די גאונ'ישע שאלות און די קלארע תירוצים האבן ערשטוינט די אנוועזנדע / דער גאון האט דערקלערט מיט התרגשות: "אמאל איז געווען א חלום אז אידן זאלן קענען ש"ס, און היינט זעען מיר אזויפיל חשוב'ע אברכים גאונים וועלכע פארהערן זיך גאנץ ש"ס מיט רש"י און תוספות".
אזא היסטארישע געשעעניש פאסירט בלויז איינמאל אין א דור! עס האט זיך אנגעהויבן ווען מרן הגאון רבי משה שטערנבוך שליט"א איז אנגעקומען זיך צו באטייליגן ביים סיום הש"ס פון כולל ש"ס אידן וואס איז אונטער די נשיאות פונעם מייסד די פוזנא רב הגאון רבי אברהם אייזען שליט"א.
נאך וואס דער גאון שליט"א האט אויפגעטרעטן מיט ווארעמע דברי חיזוק, האט זיך דער פוזנא רב געוואנדן צום אים מיט א ספעציעלער בקשה: נעמליך אויב ער וואלט מסכים געווען צו פארהערן די ש"ס אידן גאונים אברכים.
דער גאון שליט"א איז שטיל געבליבן פאר עטליכע מינוט און דאן האט ער געמאלדן זיין פולקאמע גרייטקייט דערצו. און ער האט זיך גלייך געוואנדן צו די אברכים מיט גאונ'ישע שאלות וועלכע נעמען אריין אין זיך סוגיות פון גאנץ ש"ס, אריינגערעכנט מחלוקות צווישן רש"י און תוס', פארשידענע פשטים פון תוס', און די נפקא מינא צווישן פארשידענע תירוצים, בשעת וואס דער גאון שפרינגט מיט א לייכטקייט פון סוגיות אין מסכת חולין צו סוגיות אין מסכת כתובות, און פון דארט צוריק צו מסכת זכחים, מסכת קידושין, און אזוי איז אדרוכגעגאנגען גאנץ ש"ס פון אנהייב ביזן סוף.
ווי וואונדערליך עס הערט זיך, האבן די טייערע אברכים די גאונים פון ש"ס אידן, באגייסטערט דעם גאון שליט"א מיט אלע אנוועזנדע מיט זייערע שנעלע תשובות אויף יעדע שאלה וואס מען האט זיי פארגעלייגט, פון הלכות מעילה, הגדרות מגו, די דין פון שליח לדבר עבירה, די סוגיא פון 'ספק ספיקא' אא"וו אלע סוגיות הש"ס.
דער פוסק הדור שליט"א איז גאר שטארק נתרגש געווארן פון די קלארע תשובות, און נאכדעם האט ער נאכאמאל אויפגעטרעטן מיט דברי חיזוק, זאגדנדיג אז "אמאל איז דאס געווען א ווייטער חלום אז א איד זאל קענען ש"ס, אבער היינט צוטאגס זיצן מיר דא ב"ה אינאיינעם מיט אזויפיל אברכים וועלכע פארהערן זיך גאנץ ש"ס מיט א געוואלדיגע קלארקייט. איר טוט א גאוואלדיגע נחת רוח פאר הקב"ה, און דאס איז א גרויסע זכות פאר גאנץ כלל ישראל" דאן האט ער צוגעלייגט אז "מען דארף וויסן, אז יעדער וואס לערנט ש"ס איז זוכה צו א ספעציעלער אור - א אור השכינה, און וואויל איז ענק מיט אייער חלק, וואס אפילו די מלאכי השרת זענען ענק מקנא".
צו זען די וואנדערליכן בחינות און סיומים פון ש"ס אידן, און צו נעמען א חלק אין די לימוד התורה פון די תלמידי חכמים, גייט צו www.shasyiden.com אדער רופט 718.702.1528, צו שיקן אויף פאסט: 1274 49th Street #562, Brooklyn, NY 11219. דער אדרעס פון לאנדאן ש"ס אידן כולל איז: UK Registered Charity # 1191225 - 2 Timberwharf Road, London N16 6DB, England אדער רופן אויף 020-8066-1566.
