היינט קומט פאר א עצרת תפילה אין ביהמ"ד הגדול אין קרית וויזניץ בני ברק, צו מתפלל זיין און מעורר זיין רחמי שמים ביום המסוגל זאת חנוכה, לרפואתו ולבריאתו השלימה פון כ"ק אדמו"ר מוויזניץ שליט"א וועלכער גייט אריבער א סעריע באהאנדלונגען שוין צוויי חדשים און איז אנגעוויזן אויף רחמי שמים, טויזענטער וויזניצע חסידים וועלן זיך צוזאמקומען היינט נאכמיטאג אין ביהמ"ד הגדול און אויסזאגן גאנץ ספר תהלים, בעפאר די עריכת השולחן לכבוד זאת חנוכה דורכ'ן רבי'ן שליט"א.

כ"ק אדמו"ר מטשערנאביל שליט"א פארט היינט ארויס קיין חברון אויף א ספעציעלע מעמד תפילה "חסדי אבות" אינאיינעם מיט די נגידי ותומכי המוסדות, ביים קברי אבות אין די מערת המכפלה.

היינט קומט פאר בחצר הקודש דעעש די מעמד סיום כתיבת האותיות פאר די ספר תורה וואס ווערט אריינגעגעבן דורך כ"ק אדמו"ר מדעעש שליט"א, אינאיינעם מיט די זאת חנוכה טיש און מעמד שריפת הפתילות, אין דעעשער בית המדרש אויף רחוב רבי טרפון אין בני ברק.

היינט קומט פאר די סעודת עניים לקראת די שמחת החתונה פון די כלה א טאכטער ביי כ"ק אדמו"ר מוויזניץ שליט"א פון מאנטריאל, מיט די חתן א אייניקל פון כ"ק אדמו"ר מוויזניץ שליט"א פון קייאמישע, עס קומט פאר אינאיינעם מיט די זאת חנוכה טיש אין ביהמ"ד וויזניץ אין מאנטריאל.

אריינצושיקן מודעות און נייעס, שיקט אן אימעיל צו NEWS@JDNMAIL.COM