א שיינע מעמד חנוכת הבית איז פארגעקומען נעכטן זונטאג אויפדערנאכט, ווען עס איז באנייעט געווארן א הערליכע געביידע אלס אכסניא של תורה פאר ישיבת היכל התלמוד אין בארא פארק, וואס ווערט געפירט דורך הגה"צ המשפיע ר' בנימין אייזענבערגער שליט"א רב דקהל היכל התפילה.
די מעמד איז געווען קאמבאנירט מיט א חגיגת כבוד התורה, סיום מסכת בבא בתרא וואס איז געלערנט געווארן דורך די תלמידי הישיבה, עס איז פארגעקומען אינעם נייעם בנין הישיבה אויף די עלפטע עוועניו ביי די זעכציגסטע סטריט.
