שמחת בית סאטמאר – קאלוב: היינט קומט פאר די שמחת החתונה פון א אייניקל ביי כ"ק אדמו"ר מסאטמאר שליט"א, די כלה א טאכטער פון זיין זון הגה"צ ר' יעקב בער טייטלבוים שליט"א אב"ד סיגעט, איידעם ביי כ"ק אדמו"ר משאפראן זצ"ל, מיט די חתן א זון פון הגה"צ ר' אלכסנדר אשכנזי שליט"א אב"ד קאריץ, זון פון כ"ק אדמו"ר מהורדענקא שליט"א פון פלעטבוש, און איידעם ביי כ"ק אדמו"ר מקאלוב שליט"א. – די מעמד קבלת פנים און חופה קומט פאר ביים גרויסן ביהמ"ד דקהל יטב לב ד'סאטמאר, ביים ווינקל פון די פערצנטע עוועניו און די צוויי און פערציגסטע סטריט, און די שמחת החתונה קומט פאר אינעם גרויסן זאל פון ת"ת בעלזא אין בארא פארק.
שמחת בית טשערנאביל – ראדאמישלא – ביקסאד: היינט קומט פאר די שמחת החתונה פון חתן כלה אייניקלעך פון כ"ק אדמו"ר מטשערנאביל שליט"א, די חתן א זון פון זיין איידעם הגה"צ ר' חיים היילפערין שליט"א, זון פון הגה"צ גאב"ד ראדאמישלא רמות שליט"א, מיט די כלה א טאכטער פון זיין איידעם הגה"צ ר' שמעי' יודא פיש שליט"א, זון פון כ"ק אדמו"ר מביקסאד שליט"א. – די שמחת החתונה קומט פאר אין ווילחאוויץ זאל אין מאנסי.
שמחת בית נדבורנא אלעד – חוסט – נאראל – זוועהיל: היינט קומט פאר די שמחת החתונה פונעם חתן א זון פון כ"ק אדמו"ר מנדבורנא אלעד שליט"א, איידעם ביי כ"ק אדמו"ר מחוסט שליט"א פון וויליאמסבורג, מיט די כלה א טאכטער פון הגה"צ ר' יצחק נתן שפירא שליט"א, זון פון הגה"צ ר' אהרן שפירא שליט"א אב"ד נאראל ב"ב, זון פון כ"ק אדמו"ר מנאראל שליט"א, און איידעם ביי כ"ק אדמו"ר מזוועהיל ירושלים שליט"א. – די שמחת החתונה קומט פאר אין זאל היכלי מלכות אין בני ברק.
שמחת בית ביאלא – ראחמיסטריווקא: היינט קומט פאר די שמחת החתונה פון א אייניקל ביי כ"ק אדמו"ר מביאלא זצ"ל בעל מבשר טוב, די חתן א זון פון בנו הצעיר הגה"צ ר' אברהם משה ראבינאוויטש שליט"א רב חסידי ביאלא אין מעלה עמוס, מיט די כלה א טאכטער פון הרב יוחנן ראבינאוויטש שליט"א, זון פון הגה"צ ר' מנחם בנציון ראבינאוויטש שליט"א, און איידעם ביי הגה"צ ר' מתתיהו טווערסקי שליט"א אבד"ק ראחמיסטריווקא ביתר, אור אייניקל פון כ"ק אדמו"ר מראחמיסטריווקא זצ"ל פון ירושלים. – די שמחת החתונה קומט פאר אין ביהמ"ד הגדול ביאלא אין ירושלים.
היינט קומט פאר די שמחת החתונה פונעם חתן א זון פון הרב אהרן דייטש שליט"א, זון פון הגה"צ גאב"ד חוג חתם סופר פ"ת שליט"א, און איידעם ביי הגה"צ ר' ישראל ארנסטר שליט"א, מיט די כלה א טאכטער פון הרב יואל אויש שליט"א, זון פון הגה"צ ר' חיים אויש שליט"א אבד"ק וואולקאן, און איידעם ביי הגה"צ ר' אליהו קופפערמאן שליט"א אבד"ק סאכאטשוב. – די שמחת החתונה קומט פאר אין זאל עטרת גאלדא אין בארא פארק.
כ"ק אדמו"ר מסאטמאר שליט"א פארט היינט ארויס קיין פאלם ספרינגס קאליפארניע, וואו דער רבי וועט וויילן די קומענדיגע פיר וואכן אויף אפרוה.
כ"ק אדמו"ר מוויזניץ שליט"א פון לאנדאן קומט היינט אן אויף א בליץ באזוך קיין ניו יארק צו מנחם אבל זיין ביי אחיו הגדול כ"ק אדמו"ר מוויזניץ שליט"א פון מאנסי, היינט אויפדערנאכט וועט דער רבי באשיינען די שמחת החתונה בבית חותנו כ"ק אדמו"ר מקאלוב שליט"א, און מארגן אויפדערנאכט נאכן שמחת פדיון הבן פון א אור אייניקל אין מאנסי, זיך ארויסלאזן אויפן וועג קיין אנטווערפן, וואו דער רבי וועט פראווענען דעם קומענדיגן שבת הבעל"ט.
כ"ק אדמו"ר מבוהוש שליט"א לאזט זיך היינט ארויס אויף די מסע הקודש "שערי ישועה" קיין פוילין, אינאיינעם מיט די נגידי ותומכי המוסדות. אין לויף פון די קומענדיגע צוויי טעג וועט דער רבי פוקד זיין די מקומות הקדושים אין רימנוב, דינוב, לאנצוהט, און ליזענסק.
כ"ק אדמו"ר מבית יצחק ספינקא שליט"א קומט היינט אן צוגאסט קיין ארץ ישראל, צו באשיינען די שמחת החתונה פון א יתומה מבני המשפחה.
היינט י"ג טבת געפאלט די יומא דהילולא קדישא פון הגה"ק בעל שארית מנחם מווישיווא זי"ע, פילע אידן גייען ארויף צום ציון הק' אין אהל אדמור"י וויזניץ אין בני ברק.
כ"ק אדמו"ר מוויזניץ שליט"א פון מאנסי זיצט שבעה צו די פטירה פון הרבנית הצדיקת ע"ה, אינאיינעם מיט די קינדער, און די שוואגערס הגה"צ גאב"ד סאטמאר ב"פ שליט"א, און הגה"צ אבד"ק אוהעל וומס"ב שליט"א. מען זיצט שבעה אין די עזרת נשים פון ביהמ"ד הגדול וויזניץ אין מאנסי, ביז מארגן דינסטאג אינדערפרי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
