א שיינע מעמד איז פארגעקומען דעם מוצאי שבת קודש אין ביהמ"ד הגדול נדבורנא אין בני ברק, וואו עס זענען זיך צוזאמגעקומען די הונדערטער בחורי החסידות, און דערביי איז געגרינדעט געווארן די נייע חבורה מיטן נאמען "בן מלך", צו דערהייבן און צוברענגען די חשובע בחורים לתורה וחסידות מיט א ריכטיגע באדייט.
די מעמד איז באשיינט געווארן פערזענליך דורך כ"ק אדמו"ר מנדבורנא שליט"א וועלכער האט איבערגעגעבן א לענגערע שמועס פאר די בחורים, די צענטראלע דרשה האט מען געהערט פון הגה"צ המשפיע ר' יעקב יצחק אלעזר מייזליש שליט"א אב"ד עבודת הלב ליעזש, און אויך האט מען געהערט א דרשה פון הרה"ג ר' חיים דוד קובלסקי שליט"א מרבני חצר הקודש נדבורנא.
