אלפי חסידי סאטמאר גרייטן זיך מיטצולעבן היסטארישע מאמענטן היינט אויפדערנאכט, ווען כ"ק אדמו"ר מסאטמאר שליט"א וועט ערשיינען ברוב פאר והדר, און פערזענליך באשיינען די שמחת התנאים פון די עלטסטע אור אייניקל, ודור רביעי ישובו הנה, ווען דער רבי קערט זיך היינט צוריק ממעון הנופש אין פאלם ספרינגס קאליפארניע.
דער רבי שליט"א וועלכער האט געוויילט די לעצטע פיר וואכן אויף אפרוה, האט דעם דאנערשטאג אפגעראכטן א באשיידענע מסיבת לחיים לכבוד די גרויסע שמחה און זיך מיטגעפריידט מריחוק מקום, דער רבי האט משמיע געווען רירנדע דברות קודש און ארויסגעברענגט זיין טיפע התרגשות ווען מ'דערלעבט אזא גרויסע שמחה.
די גרויסע שמחת התנאים קומט פאר היינט אויפדערנאכט בהיכל ביהמ"ד הגדול דקהל יטב לב ד'סאטמאר אויף הופפער סטריט אין וויליאמסבורג, וואו די טויזענטער חסידים וועלן אריבערגיין וואונטשן מזל טוב און שלום נעמען ביים רבי'ן. באזונדער וועט מארגן צופרי פארקומען א מסיבת לחיים רבתי בהיכל המתיבתא אין קרית יואל, אין שפיץ פונעם ריש מתיבתא כ"ק אדמו"ר מסאטמאר שליט"א.
די בארימטע רענטעסטיק פארטי רענטל פירמע איז שטארק אקטיוו אין לויף פון די יעצטיגע שעות, צוצושטעלן דעם גרויסן שמחה און איינשטעלן אלע איינריכטונגען אין ביהמ"ד הגדול ד'סאטמאר אין וויליאמסבורג, צו קענען אקאמאדירן דעם ריזן ציבור וואס איז ערווארטעט לשוש ולשמוח בשמחת בית צדיקים.
צו באשטעלן סיי וועלכע שמחה אנגעלעגנהייטן ביי "רענטעסטיק" דרוקט דא
