הרה"צ ר' יצחק טווערסקי בן האדמו"ר מסקווירא ביים פארזינגען ובאו כולם
הרה"צ ר' בערל רוקח בן האדמו"ר ממחנובקה בעלזא טרעט אויף
דער רבי ביים ערשיינען צום סעודת הכנסת ספר תורה אין ביהמ"ד הגדול
מיטוואך 5:30
מען האט יעצט געענדיגט די פרייליכע ריקודין, מען שטעלט זיך יעצט דאווענען מנחה אין ביהמ"ד הגדול, און די ציבור האלפים הייבט אן פארלאזן דעם גרויסן ביהמ"ד.
אין צוויי שעה ארום 7:30 בעז"ה, וועט זיך אנהייבן די גרויסע סעודת מצוה, איינגעטיילט אין מערערע לאקאציעס אין סקווירא שטעטל, צוטיילט פאר מענער, פרויען, קינדער, און בחורים. ארום א שעה דערויף וועט דער רבי שליט"א אריינקומען צום סעודת מצוה בהיכל ביהמ"ד הגדול.
מיטוואך 5:10
מען האט יעצט אנגעהויבן די דריטע טאנץ, נאכן פארענדיגן די מזמורי תהלים.
מיטוואך 5:00
מען האט נארוואס געענדיגט די לעבעדיגע טענץ, דער רבי שליט"א הייבט אן זאגן די מזמורי תהלים כנהוג.
מיטוואך 4:45
מען האט יעצט געענדיגט אויפמישן די ספר תורה צום פרשת השבוע פרשת תרומה, און אצינד טוט כ"ק אדמו"ר מסקווירא שליט"א זאגן די ברכה פון שהחיינו, זייענדיג מוציא אלפי חסידיו מיט די ברכה, ווען אלע אייניג האבן א שותפות אין דעם הייליגן ספר תורה.
-----
מיטוואך 4:30
נאך גאר לעבעדיגע ריקודין העכער א האלבע שעה, ווען דער רבי זעלבסט האט געטאנצן מיט די תורה, און מכבד געווען די קינדער צו טאנצן מיט די תורה, ווערט יעצט געזינגען ווארעמע ניגונים דורך די טויזענטער ילדי תשב"ר בהיכל ביהמ"ד הגדול.
מיטוואך 3:40
כ"ק אדמו"ר מסקווירא שליט"א ערשיינט אין די יעצטיגע מינוטן בהיכל ביהמ"ד הגדול צו די לעבעדיגע ריקודין, די קינדער פון רבי'ן זענען מקבל פנים האלטענדיג היסטארישע ספרי תורה מירושת צדיקים הקודמים, אין שפיץ פון די ספר תורה פונעם הייליגן בעשטה"ק זי"ע.
--------
ווידעא: כ"ק אדמו"ר מסקווירא שליט"א אראפקומענדיג פון די חופה באס, ביים וואונטשן הרב החסיד ר' חיים לונגער הי"ו, אייגענטומער פון די מאנסי טרעיל קאמפאני, וועלכער האט אהערגעשטעלט די גרויסע חופה באס, און אליינס געפירט די באס דורכאויס די גאנצע תהלוכה.
מיטוואך תרומה 3:00
די תהלוכת הספר תורה קומט יעצט אן צום ביהמ"ד הגדול, און לויט ווי מען האט אויסגערופן וועט דער סקווירא רבי אריינקומען צו די לעבעדיגע טענץ אין די נייע היכל ביהמ"ד ביז א האלבע שעה.
----------
מיטוואך תרומה 2:40
די תהלוכת הספר תורה האט זיך נארוואס אפגעשטעלט אינמיטן וועג, וואו עס זענען פארזאמלט די טויזענטער קינדער תינוקות של בית רבן, עס טרעט אויף הרה"ג ר' שרגא עזרא טויבענפעלד שליט"א מיט קורצע ווערטער איבער די געהויבענע מאמענטן מחזק זיין די צאן קדשים.
--------
מיטוואך תרומה 2:25
די תהלוכה איז יעצט אנגעקומען צום רעיגען גאס, און די טויזענטער בחורים גייען אריבער צום ביהמ"ד הגדול, אין די צייט וואס אויף די גאס געפונען זיך די טויזנטער נשות החסידות.
---------
מיטוואך תרומה 2:18 נאכמיטאג
די חופה באס הייבט יעצט אן ארויסצופארן פון עטרת טשארנא פארקינג לאט, אין באגלייטונג פון די טויזענטער בחורים חסידי סקווירא.
--------
מיטוואך תרומה 2:10 נאכמיטאג
כ"ק אדמו"ר מסקווירא שליט"א שפאנט יעצט צום צוגערישטן חופה באס, וואס איז פראכטפול אהערגעשטעלט כראוי וכיאות לכבודה של תורה. די מוזיק הייבט אן שפילן די נייע ניגון "שהחיינו" וואס איז פארפאסט געווארן לכבוד די מעמד, און די תהלוכה הייבט זיך אן צום עקסטאז פון טויזענטער חסידים וואס זענען פארשפרייט לענגאויס די גאסן אין שטעטל.
----------
מיטוואך תרומה 2:00 נאכמיטאג
אין די צייט וואס אלפי חסידי סקווירא געפונען זיך שוין אויף די באשטימטע פלעצער לענגאויס די גאסן פון שטעטל, איינגעטיילט אין באזונדערע גאסן פאר מענער פרויען בחורים און קינדער, ערווארט מען אז די תהלוכה זאל זיך אנהייבן ביז געציילטע מינוט, ווען ביזדערווייל שפילט די מוזיק ווארעמע ניגונים.
-------
בילדער: אלפי בחורי חסידי סקווירא זענען שוין פארזאמלט ארום די מלכות'דיגע חופה באס, וואס גרייט זיך אט אט ארויסצופארן פון די עטרת טשארנא זאל.
ווידעא: ספעציעלע פאליצייאישע דראון ווערט געזעהן העכער שיכון סקווירא, צו האלטן ארדענונג אויף די גאנצע אומגעגנט.
בילד: טויזענטער פאר תפילין פון אלע בחורים, ווערן צוריקגעברענגט צום בנין ביהמ"ד, נאך וואס די בחורים האבן געדאווענט שחרית מיטן רבי'ן אין עטרת טשארנא זאל, און זענען דארט פארבליבן אויף א סדר לימוד ביז די תהלוכה.
ווידעא: חברה הצלה ד'שיכון סקווירא און אזוי אויך נאך הצלה וואלאונטירן פון אנדערע געגנטער, טיילן זיך איין אצינד איבער די גאנצע שטעטל צו זיין אויסגעשפרייט ביי אלע ווינקלען, צו קענען שענקן הילף על כל צרה שלא תבוא.
--------
ווידעא: אלפי חסידי סקווירא לובשים בגדי חג, מען האלט שוין ביום הגדול פון די גרויסע הכנסת ספר תורה, ווען די התרגשות ביים ציבור איז אויסערגעווענליך, די געווירבל אין שיכון סקווירא איז עפעס וואס די שטעטל האט נאך קיינמאל נישט געזעהן ביז היינט, מיט פילע איינריכטונגען אויפצונעמען די פילצאליגע געסט פון איבער די גאנצע וועלט.
