מיט גרויס צער און טרויער ווערט אצינד אויפגענומען די שווערע בשורה, איבער די פטירה פון האברך החשוב הרב יוסף ראזנער ז"ל, אייניקל פון כ"ק אדמו"ר מוויען שליט"א, וועלכער איז יעצט נאכמיטאג נפטר געווארן אין עלטער פון זיבן און צוואנציג יאר, נאכן זיך מוטשענען א לענגערע צייט מיט די ביטערע מחלה ה"י.
האברך החשוב ר' יוסף ז"ל איז געווען א זון פון הגה"צ ר' אהרן ישעי' ראזנער שליט"א דומ"ץ סאמבאטהעלי, זון פון הגה"צ אבד"ק טערצאל שליט"א, און איידעם ביי כ"ק אדמו"ר מוויען שליט"א. ער האט געטראגן דעם נאמען "יוסף" נאך זיין גרויסן עלטער זיידן הגה"ק בעל ויחי יוסף מפאפא זי"ע.
ליידער האט ער זיך געמוטשעט פאר לאנגע יארן מיט די ביטערע מחלה ה"י, צוערשט אין זיינע בחור'ישע יארן, און א צווייטע מאל ווען ער איז דיאגנאזירט געווארן מיט בערך צוויי יאר צוריק ה"י. טראץ זיינע שווערע יסורים האט ער געדינט דעם אויבערשטן באהבה און עוסק געווען בתורה מיט מסירת נפש.
די לוויה וועט פארקומען שפעטער אין טאג ביי ביהמ"ד סאמבאטהעלי אויף פענן סטריט אין וויליאמסבורג, און ער וועט קומען לקבורה אויפן בית החיים אין קרית פאפא וועסטשעסטער, נעבן זיין גרויסן זיידן הגה"ק מפאפא זי"ע.
