אין א מזל'דיגע שעה איז געבוירן געווארן די ערשטע אייניקל ביי כ"ק אדמו"ר מאמשינאוו ארה"ב שליט"א, עלטסטע קינד ביי זיין עלטסטן זון הרב יצחק קאליש שליט"א, איידעם ביי הגה"צ ר' מנחם זאב שטערן שליט"א, זון פון הגה"צ אבד"ק סקולען ב"ב שליט"א, און איידעם ביי כ"ק אדמו"ר מזוועהיל ירושלים שליט"א.
לכבוד די גרויסע שמחת הקידושא רבא וואס קומט פאר דעם שבת קודש במקום מושבו פונעם אבי הבת אין ירושלים עיה"ק, וועט דער געהויבענער זיידע כ"ק אדמו"ר מאמשינאוו ארה"ב שליט"א ארויספארן אויפן וועג קיין ארץ ישראל היינט דאנערשטאג לפאר על ראש שמחתו.
דער רבי שליט"א וועט פראווענען דעם שבת קודש בקרתא דשופריא, אין ביהמ"ד זוטשקא אויף רחוב ברוכים אין ירושלים, בית מדרשו פון זיין שוואגער כ"ק אדמו"ר מזוטשקא ירושלים שליט"א וועלכער איז צוגאסט די טעג אין לאנדאן לרגל די שמחת החתונה פון בנו החתן. דער אמשינאווער רבי וועט פראווענען די תפילות און טישן אין זוטשקא ביהמ"ד, און שבת אינדערפרי וועט פארקומען די שמחת הקידושא רבא ברוב עם הדרת מלך.
