היינט ב' ניסן געפאלט די יומא דהילולא קדישא פון כ"ק אדמו"ר הרה"ק מסקווירא זי"ע, בנו יחידו ממלא מקומו כ"ק אדמו"ר מסקווירא שליט"א וועט ארויפגיין ציון הק' אין די מיטאג שעה'ן בראש קהל חסידיו, און שפעטער פארנאכטס אפרעכטן די יארצייט טיש ברוב עם אין ביהמ"ד הגדול והחדש אין שיכון סקווירא.

כ"ק אדמו"ר מוויזניץ שליט"א פון בארא פארק וועט היינט ארויספארן קיין מאנסי און פוקד זיין דעם ציון הק' פון זקינו הרה"ק בעל תורת מרדכי מוויזניץ זי"ע לרגל די יארצייט וואס איז אויסגעפאלן דעם שבת קודש, און דעם ציון הק' פון זקינו הרה"ק מסקווירא זי"ע לרגל די יארצייט היינט ב' ניסן.

כ"ק אדמו"ר מוויזניץ שליט"א פון בית שמש וועלכער האט געוויילט די לעצטע פאר טעג אין ניו יארק לרגל די יומא דהילולא קדישא פון אביו הרה"ק בעל תורת מרדכי מוויזניץ זצ"ל, קערט זיך היינט צוריק למעון קדשו אין בית שמש.

היינט קומט פאר די מעמד הכנסת ספר תורה בחצר הקודש וויזניץ אין מאנטריאל, פאר די ספר תורה וואס ווערט אריינגעגעבן צום תלמוד תורה מאור החיים וויזניץ, דורך הרב החסיד ר' שרגא שמואל מיללער הי"ו מגדולי עסקני עיר מאנטריאל, לע"נ בנו הילד חיים מאיר ע"ה, די תהלוכה גייט ארויס פון שטוב פון הרב החסיד ר' אהרן מתתי' פריעדלאנדער הי"ו, און די ריקודין לכבודה של תורה וועט פארקומען אין ביהמ"ד הגדול וויזניץ אין מאנטריאל, אין שפיץ פון כ"ק אדמו"ר מוויזניץ שליט"א פון מאנטריאל.

היינט קומט פאר די שמחת החתונה פונעם חתן א זון פון הגה"צ ר' נפתלי הירצקא פריעדמאן שליט"א אב"ד אוסטריק, זון פון הגה"צ ר' משה פריעדמאן שליט"א דומ"ץ סאטמאר ב"פ, און איידעם ביי כ"ק אדמו"ר מזידטשויב חרדים שליט"א, מיט די כלה א טאכטער פון הגה"צ ר' יוסף גרינפעלד שליט"א אב"ד סעמיהאי מאנסי, זון פון הגה"צ אבד"ק סעמיהאי ב"פ שליט"א, און איידעם ביי הגה"צ ר' שלמה לויפער שליט"א אב"ד קראלי מאנסי. – די שמחת החתונה קומט פאר אין ווילחאוויץ זאל אין מאנסי.

היינט קומט פאר די שמחת הבר מצוה פון א זון ביי הגה"צ ר' נפתלי מנחם ווייס שליט"א אדמו"ר מספינקא בית שמש, אין זאל פון מרכז קהילתי דורות אויף רחוב שדרות האמוראים אין בית שמש.

כ"ק אדמו"ר מטשערנאביל שליט"א וועט היינט אויפטרעטן מיט א שמועס פאר די בחורי החסידות, ביים מעמד פתיחה לישיבת בין הזמנים אין ביהמ"ד הגדול טשערנאביל אין בני ברק.

כ"ק אדמו"ר מביאלא שליט"א וועט היינט אויפטרעטן מיט א שמועס פאר די בחורי החסידות, ביים מעמד פתיחה לישיבת בין הזמנים אין ביהמ"ד הגדול ביאלא אין ירושלים, אינאיינעם מיט די מסיבת לחיים ככלות י"א חודש צו די הסתלקות פון כ"ק אדמו"ר מביאלא זצ"ל.

אריינצושיקן מודעות און נייעס, שיקט אן אימעיל צו NEWS@JDNMAIL.COM