כ"ק אדמו"ר מסאטמאר שליט"א וועלכער איז נעכטן ארויסגעפארן אויף א געהויבענע מסע הקודש "בוני המלוכה" צו די קברי צדיקים אין אייראפע, אינאיינעם מיט הונדערטער נדיבים ותומכים פון ק"ק סאטמאר אין קרית יואל, וועט היינט אנקומען צום שטאט אוהעל אויף א תפילה ביים ציון הק' פונעם הייליגן ישמח משה זי"ע, און צום שטאט סיגעט אין ראמעניע אויף א תפילה ביים ציון הק' פון צדיקי בית סיגעט זי"ע.
מרנן ורבנן גדולי עולם התורה וועלכע זענען די וואך אנגעקומען אויף א ערשטמאליגע באזוך אין ארגענטינא, און א באזוך קיין בראזיל, אויפצוטרייבן גרויסע געלטער לטובת די קרן עולם התורה בארה"ק, וועלן היינט ארויספארן אויפן וועג צוריק אהיים קייץ ארץ ישראל.
כ"ק אדמו"ר מקרעטשניף י"ם שליט"א וועט היינט נאכמיטאג אנקומען קיין שיכון קרעטשניף אין כפר עטה, לרגל די הילולא קדישא פון זקינו הרה"ק רבי אליעזר וואלף מקרעטשניף זצ"ל בעל רזא דשבת, דער רבי שליט"א וועט אפרעכטן דעם יארצייט טיש אין ביהמ"ד קרעטשניף, און שפעטער ביינאכט ארויספארן אויף א נסיעה קיין אתרא קדישא מירון אויף א תפילת רבים בראש קהל חסידיו.
כ"ק אדמו"ר מקרעטשניף קרית גת שליט"א וועלכער איז אנגעקומען נעכטן קיין אייראפע צו פוקד זיין די קברי צדיקים, וועט היינט אנקומען צום שטאט קרעטשניף אין ראמעניע, און פוקד זיין דעם ציון הק' פון זקינו הרה"ק רבי מאיר'ל מקרעטשניף זי"ע. שפעטער אין טאג וועט דער רבי אנקומען צום שטאט בישטינא אין אוקראינע צו מתפלל זיין ביים ציון הק' פון זקינו הרה"ק רבי ר' מרדכי'לע פון נדבורנא זי"ע.
כ"ק אדמו"ר מנדבורנא ביתר שליט"א קומט היינט אן אויף א תפילת רבים קיין אתרא קדישא מירון, נאכפאלגענדיג מיט א מעמד התפילה ביים ציון הק' פונעם שלה"ק זי"ע אינאיינעם מיט די קובעי עתים לתורה אין ביהמ"ד נדבורנא ביתר.
היינט קומט פאר די יערליכע דינער לטובת כולל אמת ואמונה וויזניץ אין מאנסי, אין זאל פון וואלי טערעס אין מאנסי, אין שפיץ פון כ"ק אדמו"ר מוויזניץ שליט"א פון מאנסי.
היינט קומט פאר די יערליכע דינער לטובת כולל אמרי חיים וויזניץ אין בארא פארק, אין זאל פון בית אסתר אין בארא פארק, אין שפיץ פון כ"ק אדמו"ר מוויזניץ שליט"א פון בארא פארק.
היינט קומט פאר א ספעציעלע מעמד בחצר הקודש תולדות אהרן, פאר די אברכי הקהילה וואס זענען נהנה מיגיע כפם, עס קומט פאר אין עיה"ק צפת, אין שפיץ פון כ"ק אדמו"ר מתולדות אהרן שליט"א.
היינט קומט פאר די מעמד "ובאו כולם" פאר כלל חסידי צאנז אין לעיקוואד, צו פאראויסרוקן די בוי פראיעקט פארן נייעם ביהמ"ד דחסידי צאנז אין מאנסי, עס קומט פאר אין ביהמ"ד צאנז אין לעיקוואד, אין שפיץ פון הגה"צ אבד"ק צאנז ארה"ב שליט"א.
היינט קומט פאר די מעמד יציקת הבורות פאר די נייע מקוה טהרת שמחה בבנין ביהמ"ד החדש ויואל משה דקהל יטב לב ד'סאטמאר אין מאנטריאל.
אין מאנטשעסטער קומט היינט פאר א יום תפילה רבתי דורך קהל מחזיקי הדת, צו מעורר זיין רחמי שמים אויף די גזירת החינוך וואס הערשט אויף אחינו בני ישראל אין ענגלאנד, די מעמד תפלת רבים קומט פאר אין ביהמ"ד מחזיקי הדת, אין שפיץ פון די רבני העיר.
היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון זיין איידעם הגה"צ ר' יואל שמעון פריעדמאן שליט"א, זון פון הגה"צ ר' ירמי' פריעדמאן שליט"א דומ"ץ שאפראן, בן הנולד ביי זיין איידעם הרב חיים יעקב טייטלבוים שליט"א, זון פון הגה"צ ר' יואל טייטלבוים שליט"א אב"ד תפארת מרדכי, זון פון הגה"צ אבד"ק בית אהרן שליט"א, און איידעם ביי הגה"צ אבד"ק פאיע שליט"א חבר ביד"ץ דקהל יטב לב ד'סאטמאר. – די שמחה קומט פאר אין ביהמ"ד בית אהרן אין וויליאמסבורג.
עס איז געשלאסן געווארן די שידוך פונעם חתן א זון פון הגה"צ ר' טובי' ליבערמאן שליט"א, זון פון הגה"צ ר' יהושע ליבערמאן שליט"א ראשישיבת שומרי החומות, און איידעם ביי הגה"צ גאב"ד קרית צאנז ירושלים שליט"א, מיט די כלה א טאכטער פון הגה"צ ר' רפאל פרץ דושינסקיא שליט"א אב"ד דושינסקיא בני ברק, זון פון הגה"צ אבד"ק דושינסקיא בית שמש שליט"א, און איידעם ביי הגה"צ ר' אהרן אלי' פעלדמאן שליט"א, איידעם ביי הרה"ק בעל ברכת משה מסערט וויזניץ זצ"ל.
עס איז געשלאסן געווארן די שידוך פונעם חתן א זון פון הגה"צ ר' עזריאל מאיר איגר שליט"א, זון פון הגה"צ ר' אברהם איגר שליט"א מלובלין שווייץ, און איידעם ביי כ"ק אדמו"ר מסוכוטשוב שליט"א, מיט די כלה א טאכטער פון הגה"צ ר' חיים אלחנן נוסבוים זצ"ל, זון פון הגאון הגדול רבי נפתלי נוסבוים שליט"א ראש ישיבת חיי משה, און איידעם ביי הגה"צ גאב"ד קוממיות ירושלים שליט"א
אריינצושיקן מודעות און נייעס, שיקט אן אימעיל צו NEWS@JDNMAIL.COM
