רבוא רבבות אלפי ישראל שטייען פארזאמלט אויף די גאסן פון ירושלים עיר הקודש, ביים היסטארישן עצרת המיליאן – זעקת התורה, ווען אידישע קינדער פון אלע שיכטן און קרייזן זענען פאראייניגט לקדש שם שמים, אויסצושרייען דעם קידוש השם קבל תבל ומלואה, למען עתיד תורתינו הקדושה, קעגן די ביטערע גזירת הגיוס וואס הויערט אויף די קעפ פון אחינו בני ישראל דרי ארץ הקודש.
אויף די הויפט גאסן פון ירושלים, ביי רחוב ירמיהו, מלכי ישראל, שרי ישראל, און נאך ארומיגע גאסן, זעהט זיך אן שווארצע בילדער פון אזויפיל אידן אינאיינעם, צענדליגע אדמורי"ם ורבנים און זייערע חסידים פון נאנט און ווייט, מרנן ורבנן ראשי הישיבות און זייערע תלמידים ומעריצים, גדולי וחכמי התורה פון איבער גאנץ ארץ ישראל און זייערע צענדליגע טויזענטע נאכפאלגער, כולם נקבצו ובאו מיטן איינעם ציהל לקדש שם שמים.
צום אנהייב פון די עצרת נאך האלב נאך צוויי נאכמיטאג ארטיגע זייגער, האט מען געדאווענט תפילת מנחה ברוב עם הדרת מלך, און דערנאך איז דער משגיח הגאון הגדול רבי דן סגל שליט"א צוגעגאנגען צום עמוד פארצוזאגן די פרקי תהלים בהתעוררות רב, וואס טוט נאכפאלגן מיט אמירת סליחות און קבלת עול מלכות שמים.
די אדמורי"ם און גדולי הדור שטייען ארומגענומען מיט זייערע חסידים, צושפרייט לענגאויס די גאסן, און אויף הויכע טעראסעס פון וואו מען קען גוט מיטהאלטן.
