שישו ושמחו בשמחת התורה: היינט קומט פאר די גרויסארטיגע מעמד סיום כתיבת האותיות בחצר הקודש סאטמאר, פאר די ספר תורה וואס ווערט אריינגעגעבן דורך כ"ק אדמו"ר מסאטמאר שליט"א, ביים גרויסן הכנסת ספר תורה וואס קומט פאר מארגן דינסטאג ביום ל"ג בעומר ברחובות העיר וויליאמסבורג. די מעמד היינט נאכט קומט פאר אינעם דאגגעל גרינהאויז קאמפלעקס אין די ברוקלין נעווי יארד אין וויליאמסבורג, אינאיינעם מיטן שולחן הטהור לכבוד ל"ג בעומר, און די יערליכע דינער לטובת מוסדות יטב לב בירושלים עיה"ק.
היינט קומט פאר די שמחת הברית פון א אור אייניקל ביי כ"ק אדמו"ר מבאבוב 45 שליט"א, אייניקל פון בנו הגדול הגה"צ ר' יוסף אונגער שליט"א, איידעם ביי הגה"צ ר' אליעזר שמעי' לעוו שליט"א נשיא תפארת אליעזר, בן הנולד ביי זיין זון הרב יעקב יצחק אונגער שליט"א, איידעם ביי הגה"צ ר' יואל לוי יצחק גרינוואלד שליט"א, זון פון הגה"צ אבד"ק טעטש זצ"ל, און איידעם ביי הגה"צ אבד"ק אודווארי שליט"א. – די שמחה קומט פאר אין ביהמ"ד באבוב 45 אין בארא פארק.
היינט קומט פאר די שמחת הברית פון א אור אייניקל ביי כ"ק אדמו"ר מוויען שליט"א, אייניקל פון זיין זון הגה"צ ר' יואל משה מרדכי כ"ץ שליט"א, איידעם ביי כ"ק אדמו"ר מוויזניץ שליט"א, בן הנולד ביי זיין זון הרב שלמה זלמן כ"ץ שליט"א, איידעם ביי הגה"צ ר' אשר אנשיל כ"ץ שליט"א, זון פון כ"ק אדמו"ר מסערדאהעלי שליט"א. – די שמחה קומט פאר אין ביהמ"ד וויען אין וויליאמסבורג.
היינט קומט פאר די שמחת החתונה פון א אייניקל ביי כ"ק אדמו"ר מטשערקאס שליט"א, די חתן א זון פון זיין זון הרב משולם זלמן בעק שליט"א, איידעם ביי כ"ק אדמו"ר מקאשוי זצ"ל בעל שיח חיים, מיט די כלה א טאכטער פון הרב שמואל מנחם קאהן שליט"א, זון פון הגה"צ אבד"ק סענדזשארץ שליט"א. – די שמחה קומט פאר אין זאל ויואל משה אין וויליאמסבורג.
לכבוד התנא האלקי, רבי שמעון בר יוחאי:
כ"ק אדמו"ר מתולדות אברהם יצחק שליט"א וועט היינט אויפדערנאכט אנקומען צום שטאט ביתר, און אפרעכטן די מעמד ההדלקה לכבוד ל"ג בעומר, אינעם גרויסן שטח אויף רחוב דרך הרמ"ז, נעבן די ישיבה הק' תולדות אברהם יצחק.
כ"ק אדמו"ר מלעלוב שליט"א וועט היינט אויפדערנאכט אפרעכטן די מעמד ההדלקה לכבוד ל"ג בעומר, פארנט פון לעלובער בית המדרש אין עיה"ק צפת, נאכגעפאלגט מיטן שולחן הטהור לכבוד היום אין זאל חאן האדום אין צפת.
הגה"צ המשפיע ר' אלימלך בידערמאן שליט"א וועט היינט אויפדערנאכט צום ערשטן מאל אפרעכטן די גרויסע מעמד ההדלקה אין ירושלים עיה"ק, אויף די גאסן רחוב שפע חיים אין ירושלים, במעמד אלפי ישראל.
כ"ק אדמו"ר מספינקא שליט"א וועלכער איז צוגאסט די טעג אין ארץ ישראל בקרב חסידיו, וועט היינט אויפדערנאכט אפרעכטן די מעמד ההדלקה לכבוד ל"ג בעומר, פארנט פון ספינקא בית המדרש אויף רחוב ראשית חכמה אין ירושלים.
כ"ק אדמו"ר מטאלנא שליט"א פון אשדוד וועט היינט אויפדערנאכט אנקומען צום שטאט טבריה, און אפרעכטן די מעמד ההדלקה לכבוד ל"ג בעומר, פארנט פון ביתו נאוה קודש פון הרה"ק רבי וועלוועלע מטשארניאוסטראה זי"ע, נאכגעפאלגט מיטן שולחן הטהור לכבוד היום בעיה"ק טבריה.
כ"ק אדמו"ר מזוטשקא ירושלים שליט"א וועט היינט אויפדערנאכט אפרעכטן די מעמד ההדלקה לכבוד ל"ג בעומר, פארנט פון בית מדרשו אויף רחוב ברוכים אין ירושלים ווי יאר יערליך, נאכגעפאלגט מיטן לחיים טיש און סעודת הודאה נאכן געראטעוועט ווערן ביים שוידערליכן מירון טראגעדיע ל"ג בעומר תשפ"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
