שמחת בית בלאזוב: עס איז געשלאסן געווארן די שידוך פונעם חתן א זון פון כ"ק אדמו"ר מבלאזוב שליט"א, איידעם ביי כ"ק אדמו"ר מלובלין זצ"ל, מיט די כלה א טאכטער פון הגה"צ ר' יואל אויש שליט"א, זון פון הגה"צ ר' יצחק אויש שליט"א מוואולקאן, און איידעם ביי הגה"צ ר' אלעזר ליבערמאן שליט"א אבד"ק בעסערמין.
שמחת בית מאקאווא: היינט קומט פאר די שמחת התנאים פונעם חתן א זון פון הגה"צ ר' ישעי' יוסף בעק שליט"א, זון פון הגה"צ ר' ברוך בעק שליט"א זון פון הגה"צ גאב"ד מעלבארן זצ"ל, און איידעם ביי הגה"צ ר' יוסף קדיש בראנדסדארפער שליט"א אב"ד קהל חסידים טבריה, מיט די כלה א טאכטער פון הגה"צ ר' משה נתן נטע לעמבערגער שליט"א, זון פון כ"ק גאב"ד מאקאווא שליט"א, און איידעם ביי הגה"צ ר' שלמה האפשטיין שליט"א, איידעם ביי כ"ק אדמו"ר מזוועהיל זצ"ל בעל אור אברהם. – די שמחה קומט פאר אין זאל אהל פיגא אין בית שמש.
היינט קומט פאר די שמחת הבר מצוה פון א זון ביי הגה"צ ר' אפרים ישראל ענגלארד שליט"א, זון פון הגה"צ אבד"ק דאברא זצ"ל, און איידעם ביי הגה"צ ר' שמחה ראבינאוויטש שליט"א בעל פסקי תשובות, זון פון כ"ק אדמו"ר מביאלא פשיסחא זצ"ל. – די שמחה קומט פאר אין זאל אורה ושמחה אין בית שמש.
היינט קומט פאר די גרויסע מעמד יומא טבא בחצר הקודש סאטמאר מאנסי, סיום חצי הש"ס במסגרת הלימוד אהבתי תורתך, עס קומט פאר אינעם פראכטפולן בלו האטעל אין איסט ראטערפארד ניו דזשערזי, אין שפיץ פון כ"ק גאב"ד סאטמאר מאנסי שליט"א.
היינט קומט פאר די יערליכע דינער "דרדקי" לטובת מוסדות פאפא מאנסי, אין זאל פון ת"ת צאן יוסף פאפא אויף ווידמען קאורט אין מאנסי, אין שפיץ פון כ"ק אדמו"ר מפאפא שליט"א.
היינט קומט פאר די מעמד קביעת מזוזה אין די נייע בנינים אין מחנה בני יחזקאל דחסידי בעלזא אין ניו יארק.
היינט נאכט י"ד תמוז געפאלט די יומא דהילולא קדישא פון כ"ק אדמו"ר מזוטשקא זצ"ל בעל נחל יצחק, די אייניקלעך כ"ק האדמורי"ם לבית זוטשקא און סטאניסלאוו שליט"א וועלן אפרעכטן די יארצייט טישן ברוב עם.
כ"ק אדמו"ר מסקולען שליט"א לאזט זיך היינט ארויס צו די מראה יחזקאל באנגעלאו קאלאניע אין די קעטסקילס, וואו דער רבי שליט"א וועט זיך אויפהאלטן די קומענדיגע זוממער וואכן אויף אפרוה.
כ"ק אדמו"ר מקאשוי שליט"א לאזט זיך היינט ארויס צו מחנה ברכת שמים קאשוי אין אלסטערהייטס, וואו דער רבי וועט זיך אויפהאלטן די קומענדיגע זוממער וואכן בקרב תלמידי הישיבה.
כ"ק אדמו"ר מצאנז זוועהיל שליט"א וועלכער איז צוגאסט די טעג אין ארץ ישראל לרגל די שמחת החתונה פון א אייניקל, וועט היינט מתפלל זיין ביי די מקומות הקדושים אין ירושלים עיה"ק.
כ"ק אדמו"ר מקאפיטשניץ שליט"א וועלכער האט זיך אויפגעהאלטן די לעצטע וואך צייט אין ניו יארק לרגל די שמחת החתונה פון א אייניקל, קערט זיך היינט צוריק למעון קדשו אין ירושלים עיה"ק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
