אין די צייט וואס כ"ק אדמו"ר מוויזניץ שליט"א לרפואה שלימה געפונט זיך אין מושב אורה נעבן ירושלים, זיך צו ערהוילן און צוריקצוקומען צו די כוחות פונעם שווערן מצב הבריאות אין וואס דער רבי שליט"א געפונט זיך ליידער, האט זיך היינט פארבינדן צום רבי'ן טעלעפאניש זיין שוואגער פון אמעריקע כ"ק אדמו"ר מסאטמאר שליט"א, וועלכער האט געשמועסט מיטן רבי'ן א שטיק צייט.
דער סאטמארער רבי שליט"א האט דורש געווען בשלומו פונעם שוואגער דער וויזניצער רבי'ן, און זיך אינטערסירט אויף זיין געזונט צושטאנד מיט די פארשידענע פעולות וואס מען טוט צו פארבעסערן דעם מצב, די צוויי שוואגערס האדמורי"ם האבן זיך ווארעם געוואונטשן איש את רעהו, און פארברענגט א שטיק צייט בנועם שיח.
