שמחת בית אמשינוב: היינט קומט פאר די שמחת החתונה פון א אייניקל ביי כ"ק אדמו"ר מאמשינוב שליט"א, די חתן א זון פונעם רבינ'ס איידעם הרב מאיר אייזענבערג שליט"א, מיט די כלה א טאכטער פון הרב שניאור זלמן צביון שליט"א פון ביתר. – די שמחת החתונה קומט פאר אין זאל אחוזת פרידמאן אין אשדוד.
שמחת בית זידטשויב פרעמיסלא: היינט קומט פאר די שמחת החתונה פונעם חתן א זון פון כ"ק אדמו"ר מזידטשויב פרעמיסלא שליט"א, זון פון כ"ק אדמו"ר מהאדאס שליט"א, און איידעם ביי הגה"צ אבד"ק מאטע סאלקא שליט"א, מיט די כלה א טאכטער פון הגה"צ ר' הערשיל ראזענבוים שליט"א אב"ד נדבורנא קרית יואל, זון פון כ"ק אדמו"ר מזוטשקא קאראקאס שליט"א. – די שמחת החתונה קומט פאר אין זאל בית רחל פאראדייס אין קרית יואל.
היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון בנו הגדול הגה"צ ר' חיים צבי טייטלבוים שליט"א אבד"ק סאטמאר ירושלים, בן הנולד ביי זיין איידעם הגה"צ ר' משה חיים לאבין שליט"א רב ביהמ"ד בית כהנא דקיט"ל סאטמאר אין קרית יואל, זון פון כ"ק אדמו"ר מזידטשויב וומס"ב שליט"א. – די שמחה קומט פאר אין ביהמ"ד בית כהנא אין קרית יואל.
כ"ק אדמו"ר מוויען שליט"א וועט היינט אויפדערנאכט אויפטרעטן מיט די יערליכע ז' אדר דרשה הילולת משה רבינו, אין ביהמ"ד הגדול קהל עדת יראים וויען אין וויליאמסבורג.
היינט קומט פאר די מעמד חנוכת הבית פאר די נייע ביהמ"ד הגדול דחסידי טאלנא אין אשדוד, די נייע היכל ביהמ"ד היכל שמחה לע"נ הרב החסיד ר' שמחה יצחק יוסף בייטעל ע"ה נדבת אחיו הנגיד החסיד ר' בנימין בייטעל הי"ו, אינאיינעם מיט די מעמד הכנסת ספר תורה וואס ווערט נתנדב דורך הנגיד החסיד ר' מרדכי בייטעל הי"ו, עס קומט פאר אין שפיץ פון כ"ק אדמו"ר מטאלנא שליט"א.
היינט נאכט ז' אדר געפאלט די יומא דהילולא קדישא פון הרה"ק רבי אייזיק'ל קאלובער זי"ע, פילע אידן קומען אן צום שטאט קאלוב אין אונגארן צו פוקד זיין דעם ציון הק' בעצם יומא דהילולא קדישא, נכדו כ"ק אדמו"ר מקאלוב שליט"א וועט אפרעכטן די יארצייט טיש אין קאלובער ביהמ"ד אין וויליאמסבורג.
היינט נאכט ז' אדר געפאלט די יומא דהילולא קדישא פון כ"ק אדמו"ר מנדבורנא זצ"ל בעל באר יעקב, די קינדער כ"ק האדמורי"ם מנדבורנא שליט"א וועלן אפרעכטן די יארצייט טישן היינט אויפדערנאכט, און פוקד זיין דעם ציון הק' אויפן הר הזיתים להיפקד בדבר ישועה ורחמים. בנו כ"ק אדמו"ר מנדבורנא ביתר שליט"א וועט אפרעכטן די יארצייט טיש אין זאל פון ביהמ"ד צמח צדיק חב"ד אין אלטשטאט ירושלים.
היינט נאכט געפאלט די יארצייט פון הגה"צ אבד"ק קראסנא זצ"ל בעל אמרי פי, די יארצייט סעודה און סיום הש"ס קומט פאר אין ביהמ"ד קהל עדת קראסנא אין בארא פארק, אין שפיץ פון בנו מ"מ הגה"צ גאב"ד קראסנא שליט"א.
כ"ק אדמו"ר מקוידינוב שליט"א פארט היינט ארויס קיין פראנקרייך, אויף א באזוך פון א וואך לטובת מוסדותיו הקדושים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
