צו די פטירה פון הרבנית מקאסאן לעיקוואד ע"ה, אשת חבר כ"ק אדמו"ר מקאסאן לעיקוואד שליט"א, זיצן שבעה די בני המשפחה בביתו נאוה קודש פונעם רבי'ן שליט"א אויף ברעדהארסט עוועניו אין לעיקוואד. דער ברודער כ"ק אדמו"ר מדעעש שליט"א זיצט שבעה בביתו נאוה קודש אויף רחוב רבי טרפון אין בני ברק, דער ברודער כ"ק אדמו"ר מדעעש שליט"א פון וומס"ב און די אנדערע ברידער הרבנים שליט"א, זיצן שבעה היינט פרייטאג און קומענדיגן זונטאג, אין ביהמ"ד כנסת יחזקאל דעעש אויף ראסס סטריט אין וויליאמסבורג, דער ברודער כ"ק אדמו"ר מדעעש קרית יואל שליט"א זיצט שבעה היינט פרייטאג בביתו נאוה קודש אין קרית יואל.
היינט ערב שבת קומט פאר די שמחת פדיון הבן פון א דאפלטע אור אייניקל ביי כ"ק אדמו"ר מקיוויאשד שליט"א, אייניקל פון בנו הגדול הגה"צ ר' שמעון האלבערשטאם שליט"א דומ"ץ קיוויאשד, איידעם ביים רבינ'ס ברודער כ"ק אדמו"ר מבארניב שליט"א, בן הנולד ביי זיין זון הרב ישראל אליעזר האלבערשטאם שליט"א, איידעם ביים רבינ'ס איידעם הגה"צ ר' יוחנן טווערסקי שליט"א, זון פון הגה"צ אבד"ק ראחמיסטריווקא מאנסי שליט"א. – די שמחה קומט פאר היינט פארמיטאג אין קיוויאשדער בית המדרש אין וויליאמסבורג.
שמחת בית באבוב 45: דעם שבת קומט פאר די שמחת השבע ברכות פון א אייניקל ביי כ"ק אדמו"ר מבאבוב 45 שליט"א, די כלה א טאכטער פון בנו הגדול הגה"צ ר' יוסף אונגער שליט"א, איידעם ביי הגה"צ ר' אליעזר שמעי' לעוו שליט"א נשיא תפארת אליעזר, מיט די חתן א זון פון הרב אלכסנדר שמואל טווערסקי שליט"א, זון פון הגה"צ ר' אהרן דוד טווערסקי שליט"א מהארנסטייפל, און איידעם ביי הגה"צ ר' אלטר ברוך ווידער זצ"ל מלינז, אייניקל פון הרה"ק בעל קדושת ציון מבאבוב זי"ע. – די שמחת השבע ברכות קומט פאר אין ביהמ"ד הגדול באבוב 45 אין בארא פארק.
שמחת בית ספינקא: דעם שבת קומט פאר די שמחת השבע ברכות פון א אייניקל ביי כ"ק אדמו"ר מספינקא שליט"א פון בני ברק, די כלה א טאכטער פון זיין זון הגה"צ ר' אלעזר אלימלך ווייס שליט"א, איידעם ביי הגה"צ אבד"ק טריסק ב"ב שליט"א, מיט די חתן א זון פון הגה"צ ר' מרדכי ארי' לייפער שליט"א, זון פון כ"ק אדמו"ר מחוסט ארה"ק שליט"א, און איידעם ביי כ"ק אדמו"ר מיעריסלאוו שליט"א. – די שמחת השבע ברכות קומט פאר אין ספינקא ביהמ"ד אויף רחוב דונולו אין בני ברק.
דעם שבת קומט פאר די שמחת השבע ברכות פון חתן כלה אור אייניקלעך פון הרה"ק בעל דברי שלמה מבאבוב זצ"ל, די חתן א אייניקל פון זיין איידעם הגה"צ ר' ברוך אברהם הורוויץ שליט"א ראש ישיבת באבוב, א זון פון זיין איידעם הרב ברוך יוסף וואקסמאן שליט"א, מיט די כלה א אייניקל פון זיין איידעם הגה"צ ר' בנציון בלום שליט"א דומ"ץ באבוב לאנדאן, א טאכטער פון זיין איידעם הרב אלעזר אייכענשטיין שליט"א, זון פון הגה"צ ר' יוסף מרדכי אייכענשטיין שליט"א מקיוויאשד. – די שמחת השבע ברכות קומט פאר בצל הקודש פונעם דאלפטן עלטער פעטער כ"ק אדמו"ר מבאבוב שליט"א.
דעם שבת קומט פאר די שמחת האויפרוף פונעם חתן א זון פון הגה"צ ר' לייבוש הורוויץ שליט"א, זון פון כ"ק אדמו"ר מסטריזוב שליט"א, און איידעם ביי הגה"צ ר' ירמי' טייטלבוים שליט"א, מיט די כלה א טאכטער פון הגה"צ ר' יעקב ארי' טווערסקי שליט"א, זון פון הגה"צ ר' מנחם מענדיל מתתיהו טווערסקי שליט"א אדמו"ר מטריסק לאנדאן, און איידעם ביי כ"ק אדמו"ר מקאסאן הילקרעסט שליט"א. – די שמחת האויפרוף קומט פאר אין ביהמ"ד סטריזוב אין בארא פארק.
כ"ק אדמו"ר מאלכסנדר שליט"א איז צוגאסט אויף דעם שבת אין בארא פארק, אויף א שבת התאחדות מיט כלל חסידי אלכסנדר פון איבער די וועלט לרגל די חנוכת הבית פון די נייע בית החסידים אמרי מנחם אלכסנדר, די תפילות און טישן קומען פאר אינעם נייעם היכל בית המדרש, און די סעודות פאר די געסט אין זאל פון עטרת חי'.
כ"ק אדמו"ר מראחמיסטריווקא שליט"א איז צוגאסט אויף דעם שבת אין שטאט ליזענסק אין פוילין, זייענדיג צוגאסט לרגל די יומא דהילולא קדישא פונעם הייליגן רבי'ן ר' אלימלך זי"ע.
כ"ק אדמו"ר מנדבורנא שליט"א איז צוגאסט אויף דעם שבת אין שטאט ליזענסק אין פוילין, זייענדיג צוגאסט לרגל די יומא דהילולא קדישא פונעם הייליגן רבי'ן ר' אלימלך זי"ע.
כ"ק אדמו"ר מסערט וויזניץ שליט"א וויילט דעם שבת אין עיה"ק צפת אויף אפרוה.
כ"ק אדמו"ר מוויזניץ שליט"א וויילט דעם שבת אין ערד אויף אפרוה.
כ"ק אדמו"ר מזוועהיל שליט"א וויילט דעם שבת אין קרית אתא אויף אפרוה.
כ"ק אדמו"ר מקוזמיר שליט"א איז צוגאסט אויף דעם שבת אין לאנדאן בקרב חסידיו, די אכסניא איז אין שטוב פון הרב החסיד ר' דוד קאהן הי"ו.
כ"ק אדמו"ר מסטריקוב שליט"א איז צוגאסט אויף שבת אין בראזיל לטובת מוסדותיו הקדושים.
כ"ק אדמו"ר מביאלא בני ברק שליט"א איז צוגאסט אויף דעם שבת אין שטאט פשיסחא אין פוילין.
כ"ק אדמו"ר ממבקשי אמונה שליט"א איז צוגאסט אויף שבת אין קרית גת בקרב חסידיו.
כ"ק אדמו"ר מביאלא בית שמש שליט"א איז צוגאסט אויף שבת אין פראנקרייך לטובת מוסדותיו הקדושים.
הגה"צ גאב"ד קארלסבורג שליט"א איז צוגאסט אויף שבת אין אתרא קדישא מירון, לרגל די יומא דהילולא קדישא פון אביו כ"ק גאב"ד קארלסבורג זצ"ל.
הגה''צ ר' זלמן לייב פילאפף שליט"א אבד''ק מכלל יופי וחבר ביד"ץ דקהל יטב לב ד'סאטמאר, איז צוגאסט אויף דעם שבת אין שטאט צאנז אין פוילין, סמוך ונראה צום ציון הק' פונעם הייליגן צאנזער רב זי"ע בעל דברי חיים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
