כ"ק אדמו"ר מקארלסבורג שליט"א פון וויליאמסבורג, איז געווען צוגאסט אין ארץ ישראל לרגל די שמחת החתונה פון א אייניקל, און אויף שבת האט דער רבי געוויילט אין בני ברק, וואו ער האט געפראוועט א געהויבענע שבת בבית מדרשו של אביו, ביהמ"ד אהל נחמן ספינקא אויף רחוב רבי יהושע.
די ספינקא בית המדרש ווערט היינט אנגעפירט דורכ'ן רבינ'ס פלומעניק, כ"ק אדמו"ר הרה"צ רבי מנחם יהודה כהנא שליט"א מספינקא ב"ב, ממלא מקומו פון כ"ק אדמו"ר הרה"צ רבי משה אליקים בריעה כהנא זצ"ל מספינקא, בנו הגדול פון הרה"ק רבי נחמן מספינקא זצ"ל, פון וועם דער קארלסבורגער רבי שליט"א איז אויך א זון.
לכבוד דעם גרויסן שבת ווען דער קארלסבורגער רבי האט געפראוועט בבית מדרשו של אביו, איז אויך געקומען נאך א חשובער גאסט, כ"ק אדמו"ר ממעליץ שליט"א פון אשדוד, וועלכער איז אן איידעם ביי הרה"ק רבי נחמן מספינקא זצ"ל, און איז געקומען מיטהאלטן דעם שבת אינאיינעם מיטן שוואגער דער קארלסבורגער רבי שליט"א.
