היינט כ"ח תמוז געפאלט די יומא דהילולא קדישא פונעם הייליגן ישמח משה זי"ע, פילע אידן קומען אן צום שטאט אוהעל אין אונגארן צו פוקד זיין דעם ציון הק' בעצם יומא דהילולא, נכדו כ"ק אדמו"ר מסאטמאר שליט"א וועט אפרעכטן די יארצייט טיש אין בעטלהעם ניו העמפשער, נכדו כ"ק אדמו"ר מסאטמאר שליט"א וועט אפרעכטן די יארצייט טיש אין מחנה דברי יואל ד'סאטמאר אין סוואן לעיק.

כ"ק אדמו"ר מוויזניץ שליט"א פון מאנסי וועלכער האט זיך אויפגעהאלטן די לעצטע צוויי וואכן אין לאס אנדזשעלעס אויף אפרוה, קומט היינט אן צום קרית הישיבות ריזאווליע אין נייעק נעבן מאנסי, וואו דער רבי וועט זיך אויפהאלטן די קומענדיגע וואך בקרב תלמידי הישיבה.

כ"ק אדמו"ר מאלכסנדר שליט"א לאזט זיך היינט ארויס אויפן וועג קיין סט. מוריץ שווייץ, וואו דער רבי וועט זיך אויפהאלטן די קומענדיגע זוממער וואכן אויף אפרוה.

היינט קומט פאר די שמחת הברית פון א אייניקל ביי כ"ק אדמו"ר מוויען שליט"א, בן הנולד ביי זיין איידעם הרב ישעי' טירנויער שליט"א, זון פון הגה"צ ר' יצחק אייזיק טירנויער שליט"א אבד"ק שומרי שבת. – די שמחה קומט פאר אין מחנה מתיבתא נחלת יעקב וויען אין לאק שעלדרעק.

היינט קומט פאר די שמחת הברית פון א אייניקל ביי כ"ק אדמו"ר מסקולען שליט"א פון מאנסי, אור אייניקל פון הגה"צ אבד"ק טערצאל שליט"א, בן הנולד ביי זיין איידעם הרב פנחס אלי' שפיגל שליט"א, זון פון הגה"צ אבד"ק ווענגרוב שליט"א. – די שמחה קומט פאר אין ביהמ"ד ווענגרוב אין מאנסי.

שמחת בית קאמארנא – צאנז זימיגראד – שאץ: עס איז געשלאסן געווארן די שידוך פונעם חתן א זון פון כ"ק אדמו"ר משאץ אשדוד שליט"א, מיט די כלה א טאכטער פון הגה"צ ר' דוד אלכסנדר סאפרין שליט"א, זון פון כ"ק אדמו"ר מקאמארנא שליט"א, און איידעם ביי כ"ק אדמו"ר מצאנז זימיגראד שליט"א פון אנטווערפן.

עס איז געשלאסן געווארן די שידוך פונעם חתן א זון פון הגה"צ ר' יוסף מייזליש שליט"א, זון פון הגה"צ אבד"ק אוהעל וומס"ב שליט"א, און איידעם ביי הגה"צ ר' יחזקאל גלאנץ שליט"א מבארדיוב, מיט די כלה א טאכטער פון הגה"צ ר' יחזקאל שרגא רובין שליט"א אב"ד גלאגוב מאנסי, זון פון הגה"צ אבד"ק גלאגוב זצ"ל, און איידעם ביי הגה"צ אבד"ק בערטש שליט"א

אריינצושיקן מודעות און נייעס, שיקט אן אימעיל צו NEWS@JDNMAIL.COM