חסידי וויזניץ גרייטן זיך מיטצוהאלטן אן ערשטמאליגן און געהויבענעם שבת דעם קומענדיגן שבת קודש פרשת ראה שבת מברכים אלול, ווען אין אן ערשטמאליגן פאל וועט כ"ק אדמו"ר מוויזניץ שליט"א פון בארא פארק זיין צוגאסט אין מחנה אהבת ישראל וויזניץ אין ליבערטי, און פראווענען א שבת אינאיינעם מיטן פעטער און מחותן כ"ק אדמו"ר מוויזניץ שליט"א פון וויליאמסבורג.
דעם קומענדיגן שבת קודש פרשת ראה וועט געפראוועט ווערן די שמחת הברית פון א אייניקל ביי ביידע וויזניצע רבי'ס, בן הנולד ביי הרב שמואל צבי האגער שליט"א, זון פון כ"ק אדמו"ר מוויזניץ שליט"א פון בארא פארק, און איידעם ביי כ"ק אדמו"ר מוויזניץ שליט"א פון וויליאמסבורג, אור אייניקל פון הגה"צ אבד"ק ראחמיסטריווקא מאנסי שליט"א, חדב"ן כ"ק אדמו"ר בעל תורת מרדכי מוויזניץ זצ"ל.
די שמחת הברית וועט געפראוועט ווערן בצל הקודש פונעם זיידן דער וויזניצער רבי שליט"א פון וויליאמסבורג, וועלכער האלט זיך אויף דורכאויס די זוממער וואכן אין מחנה אהבת ישראל וויזניץ אין ליבערטי, און לכבוד די שמחה וועט קומען צו פארן דער חשובער זיידע כ"ק אדמו"ר מוויזניץ שליט"א פון בארא פארק, וועלכער האלט זיך אויף דורכאויס די זוממער וואכן אין מחנה בנות ישראל וויזניץ אין סאוט פאולסבורג.
לכבוד דעם גרויסן שבת ווען די צוויי וויזניצע רביים פון וויליאמסבורג און בארא פארק, וועלן צום ערשטן מאל פראווענען אינאיינעם בשבת אחים גם יחד, איז ערווארטעט א גרויסן ציבור געסט פון אלע שטעט, מטעם די וועד האש"ל אין ליבערטי איז געמאלדן געווארן אז מען וועט צושטעלן אש"ל מלא פאר אלע געסט ביד רחבה וברוח נדיבה.
