היינט קומט פאר די גרויסע מעמד מקדישי שמך בחצר הקודש וויזניץ, צום עפענונג פונעם מגבית מקדישי שמך לטובת איגוד מוסדות וויזניץ, עס קומט פאר אין ביהמ"ד הגדול דחסידי גור אין ירושלים עיה"ק, שפיץ פון כ"ק אדמו"ר מוויזניץ שליט"א לרפו"ש.
היינט קומט פאר די מעמד סיום כתיבת ספר תורה פארן ספר תורה וואס ווערט אריינגעגעבן צום היכל המתיבתא אין קרית יואל סניף ויואל משה, לע"נ הב' יהודה יאקאב ע"ה מחשובי תלמידי הישיבה, די מעמד קומט פאר אינעם היכל המתיבתא סניף ויואל משה, אין שפיץ פון כ"ק אדמו"ר מסאטמאר שליט"א.
היינט נאכט כ"ט אב געפאלט די דריטע יומא דהילולא קדישא פון כ"ק אדמו"ר הרה"ק מראחמיסטריווקא זצ"ל, די קינדער כ"ק האדמורי"ם מראחמיסטריווקא שליט"א וועלן אפרעכטן די יארצייט טיש און סיום הש"ס היינט אויפדערנאכט אין ביהמ"ד הגדול ראחמיסטריווקא אין בארא פארק, און מארגן מיטוואך פוקד זיין דעם ציון הק' אויפן בית החיים הר שלום אין מאנסי.
היינט נאכט כ"ט אב געפאלט די יומא דהילולא קדישא פון כ"ק אדמו"ר הרה"ק בעל נועם אליעזר מסקולען זצ"ל, פילע אידן וועלן פוקד זיין דעם ציון הק' אויפן וויזניצע בית החיים אין מאנסי. נכדו כ"ק אדמו"ר מסקולען שליט"א פון וויליאמסבורג וועט אפרעכטן די יארצייט טיש היינט נאכט בבית מדרשו, נכדו כ"ק אדמו"ר מסקולען שליט"א פון מאנסי וועט אפרעכטן די יארצייט טיש היינט נאכט בבית מדרשו, נכדיו כ"ק האדמורי"ם מסקולען שליט"א פון לעיקוואד און ירושלים וועלן אפרעכטן די יארצייט טיש אינאיינעם אין סקולענער בית המדרש אין ירושלים עיה"ק.
אין ביהמ"ד מאור ישראל אין סטעטן איילענד קומט היינט פאר א יארצייט סעודה לרגל די הילולא קדישא, וואו עס וועט אויפטרעטן הרה"ח ר' אלטר שמואל סטעפאנסקי הי"ו נאמן ביתו פונעם בעל ההילולא.
כ"ק אדמו"ר ממונקאטש שליט"א קומט היינט אן אויף די יערליכע באזוך אין מחנה חיים ושלום מונקאטש אין קייאמישא לעיק, א מעמד קבלת פנים וועט פארקומען היינט מיטאג אינעם גרויסן זאל אהל צבי ראזענבערג.
כ"ק אדמו"ר מנדבורנא שליט"א וועט היינט אנקומען צום שטאט ביתר, אויפצונעמען קהל חסידיו מיט קוויטלעך לקראת די הייליגע טעג הממשמשים ובאים, בהיכל בית מדרשו אויף רחוב מעזריטש.
כ"ק אדמו"ר מטאלנא שליט"א פון אשדוד קומט היינט אן צוגאסט קיין ניו יארק, וואו דער רבי שליט"א וועט זיך אויפהאלטן די קומענדיגע וואך בקרב חסידיו.
שמחת בית סטריקוב – נדבורנא חיפה: עס איז געשלאסן געווארן די שידוך פון א אייניקל ביי כ"ק אדמו"ר מסטריקוב שליט"א, די חתן א זון פון זיין איידעם הגה"צ ר' נפתלי צבי ענגלארד שליט"א, זון פון הגה"צ אבד"ק דאברא זצ"ל, מיט די כלה א טאכטער פון הגה"צ ר' מאיר לייפער שליט"א, זון פון כ"ק אדמו"ר מנדבורנא חיפה שליט"א, און איידעם ביי הגה"צ ר' שמואל אליעזר שטערן שליט"א גאב"ד מערב ב"ב.
עס איז געשלאסן געווארן די שידוך פונעם חתן א זון פון הגה"צ ר' חיים יחיאל מיכל שפיגל שליט"א אבד"ק ווענגרוב, זון פון כ"ק אדמו"ר מאסטראוו קאלושין זצ"ל, און איידעם ביי כ"ק אדמו"ר מצאנז גריבוב זצ"ל, מיט די כלה א טאכטער פון הגה"צ ר' איתמר ראזענבוים שליט"א אבד"ק אור מרדכי טשעסנאט רידזש, זון פון כ"ק אדמו"ר מסטראזניץ שליט"א, און איידעם ביי הגה"צ אבד"ק סאלקא שליט"א.
עס איז געשלאסן געווארן די שידוך פונעם חתן א זון פון הגה"צ ר' יעקב כ"ץ שליט"א מריסקאווא, מיט די כלה א טאכטער פון הגה"צ ר' יצחק אייזיק קליינמאן שליט"א, זון פון הגה"צ אבד"ק מארגארעטען זצ"ל, איידעם ביי הגה"צ אבד"ק לאנדסבערג שליט"א.
עס איז געשלאסן געווארן די שידוך פון א אור אייניקל פון הגה"צ גאב"ד ביליץ שליט"א פון בני ברק, אייניקל פון זיין זון הגה"צ ר' שלום שטערן שליט"א ראה"כ וויזניץ לאנדאן, די חתן א זון פון זיין זון הרב אברהם שמואל שטערן שליט"א, מיט די כלה א טאכטער פון הגה"צ ר' יחזקאל לוריא שליט"א, איידעם ביי כ"ק אדמו"ר מאנטוניא שליט"א.
היינט קומט פאר די שמחת הבר מצוה פון א אור אייניקל ביי כ"ק אדמו"ר מאלכסנדר שליט"א, אייניקל פון בנו הגדול הגה"צ ר' אליעזר יצחק דאנציגער שליט"א, איידעם ביי כ"ק אדמו"ר מקאמארנא שליט"א, א זון פון זיין זון הרב ירחמיאל דאנציגער שליט"א, איידעם ביי הגה"צ ר' יהושע ליבערמאן שליט"א ראש ישיבת שומרי החומות. – די שמחה קומט פאר אין ביהמ"ד אלכסנדר אין בני ברק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
