שמחת בית קארלין סטאלין: היינט קומט פאר די שמחת החתונה פון א אייניקל ביי כ"ק אדמו"ר מקארלין סטאלין שליט"א, די חתן א זון פון הגה"צ ר' משה וויליגער שליט"א, זון פון הגה"צ ר' לייבל וויליגער שליט"א ר"ם במתיבתא תורה ודעת, מיט די כלה א טאכטער פון הגה"צ ר' אברהם יהושע העשיל גאלדמאן שליט"א, זון פון הגה"צ אבד"ק זוועהיל ב"ב שליט"א, און איידעם ביי הגה"צ ר' שמואל לוריא שליט"א דומ"ץ וויזניץ אנטווערפן. – די שמחת החתונה קומט פאר אין ביהמ"ד הגדול קארלין סטאלין אין גבעת זאב.
היינט קומט פאר די שמחת החתונה פון די כלה יונגסטע קינד ביי כ"ק אדמו"ר מקאסאני בית שמש שליט"א, איידעם ביי כ"ק אדמו"ר מתולדות אהרן זצ"ל בעל דברי אמונה, מיט די חתן א זון פון הגה"צ ר' שמעון נתן נטע האראנטשיק שליט"א, זון פון הגה"צ ר' מנחם האראנטשיק שליט"א מלעלוב, און איידעם ביי הגה"צ ר' מתתיהו דייטש שליט"א גאב"ד רמת שלמה. – די שמחת החתונה קומט פאר אין זאל הכרמים אין בית שמש.
היינט קומט פאר די שמחת הבר מצוה פון א אייניקל ביי כ"ק אדמו"ר משבט הלוי שליט"א, א זון פון זיין זון הגה"צ ר' נפתלי צבי הלוי וואזנער שליט"א ראה"כ מחשבת הלוי, איידעם ביי כ"ק אדמו"ר מקוידינוב שליט"א, איידעם ביי כ"ק אדמו"ר מנאראל שליט"א. – די שמחה קומט פאר אין ביהמ"ד הגדול שבט הלוי אין זכרון מאיר געגנט אין בני ברק.
היינט קומט פאר די שמחת הברית פון א דאפלטע אור אייניקל ביי כ"ק אדמו"ר מסקווירא שליט"א, אור אייניקל פון בנו הגדול הגה"צ ר' אהרן מענדיל טווערסקי שליט"א, אייניקל פון זיין איידעם הרב לייבוש טייטלבוים שליט"א, זון פון הגה"צ אבד"ק בית אהרן שליט"א, בן הנולד ביי זיין זון הרב אלעזר טייטלבוים שליט"א, איידעם ביים רבינ'ס יונגסטע זון הגה"צ ר' חיים מאיר טווערסקי שליט"א, איידעם ביי כ"ק אדמו"ר מבארניב שליט"א. – די שמחה קומט פאר אין ביהמ"ד הגדול אין שיכון סקווירא.
היינט נאכט ה' אלול געפאלט די צווייטע הילולא קדישא פון כ"ק אדמו"ר הרה"ק מסקולען זצ"ל בעל ישועת יעקב, די קינדער כ"ק האדמורי"ם מסקולען און ישועת יעקב סקולען שליט"א וועלן אפרעכטן די יארצייט טיש אינאיינעם אין זאל פון ויואל משה אין וויליאמסבורג, פילע אידן וועלן פוקד זיין דעם ציון הק' אויפן וויזניצע בית החיים אין מאנסי להיפקד בדבר ישועה ורחמים.
כ"ק אדמו"ר מלעלוב שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו הרה"ק רבי דוד צבי שלמה מלעלוב זצ"ל, אין ביהמ"ד הגדול לעלוב אין בית שמש.
כ"ק אדמו"ר מצאנז שליט"א וועט היינט אנקומען צום שטאט חיפה, אויפצונעמען קהל חסידיו מיט קוויטלעך לקראת די הייליגע טעג הממשמשים ובאים, בהיכל בית מדרשו אויף רחוב מיכאל.
כ"ק אדמו"ר מסערט וויזניץ שליט"א קומט היינט אן קיין ירושלים עיה"ק, אויפצונעמען דעם ציבור חסידים לקראת די הייליגע טעג הממשמשים ובאים.
כ"ק אדמו"ר מסאדיגורא שליט"א קומט היינט אן קיין עיה"ק צפת, אויפצונעמען דעם ציבור חסידים לקראת די הייליגע טעג הממשמשים ובאים.
כ"ק אדמו"ר מוויזניץ שליט"א פון מאנטריאל וועלכער איז צוגאסט די טעג אין ניו יארק לרגל די שמחת הבר מצוה פון א אייניקל, וועט היינט נאכמיטאג אויפנעמען דעם ציבור חסידים אין קרית וויזניץ קייאמישא לעיק, לקראת די הייליגע טעג הממשמשים ובאים.
היינט קומט פאר די יערליכע דינער לטובת אירגון שיעורי תורה, אין זאל פון יאנג איזריעל דעוועניו קעי אין פלעטבוש.
ניחום אבלים:
צו די פטירה פון כ"ק אדמו"ר מבית שמואל צבי ספינקא זצ"ל זיצן שבעה די בני המשפחה ביז דעם מיטוואך אינדערפרי, אין ביהמ"ד בית שמואל צבי ספינקא אויף וואלווארט סטריט אין וויליאמסבורג.
עס זיצן שבעה די דריי זיהן כ"ק האדמורי"ם מספינקא שליט"א, די ברידער כ"ק האדמורי"ם מספינקא מאנסי און זאבליטוב, הגה"צ ר' זלמן לייב און הגה"צ ר' יואל הורוויץ שליט"א, די טעכטער אשת הגה"צ ר' ישכר בער ראזענבוים שליט"א בן כ"ק אדמו"ר ממאשלוי שליט"א, אשת הגה"צ ר' יוחנן האגער שליט"א בן כ"ק אדמו"ר מוויזניץ שליט"א פון ב"פ און נאך א טאכטער אינדערהיים. די שוועסטערס הרבנית מוויען פלעטבוש, הרבנית מסעליש, הרבנית אשת הגה"צ ר' נפתלי הירצקא בערגער שליט"א, און הרבנית אשת הגה"צ אב"ד בית ישכר בעריש ד'רידזש שליט"א.
דער ברודער כ"ק אדמו"ר מספינקא מאנסי שליט"א זיצט שבעה פארמיטאג בבית מדרשו אין מאנסי, און שפעטער ביינאכט אינאיינעם מיט די בני המשפחה אין וויליאמסבורג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
