אין א היסטארישער מעמד האבן זיך היינט פארזאמלט גדולי יהדות ארה"ק מנהיגי קהילות הקודש, ובראשם די שרי התורה חברי הביד"ץ העדה החרדית אין שפיץ פון פוסק הדור מרא דערעא קדישא, וואו דער יהדות החרדית דערקלערט א נייע תקופה אינעם מלחמה מיט'ן גזירת גיוס בני ישיבות, ביים באנייען א נייער גרויסער פעסטונג פאר'ן וועלט בארימטער "עזרה ויעוץ" וועלכע האט אויפגעבויט א נייער גרויסער צענטער אין ירושלים עיה"ק צוט דינען אלס הויפט מיליטערישער קאמאנדיר צענטער פאר אלע אנדערע מרכז צענטערן איבער ארה"ק צו זיין "דער מיליטער קעגן מיליטער", צו ראטעווען דעם יהדות ארה"ק פון יעדן פלאנטער אדער צרה בגלות מדינת ישראל, ובפרט יעצט מיט'ן במיטערן גזירת גיוס.
אין א זעלנטענע מחזה זענען געזען געווארן אויפאמאל די גרעסטע לייבן פונעם עולם החסידות אין ירושלים עיה"ק, די מנהיגי קהלות הקודש פון די עדה החרדית, ווי לדוגמא איז געווען אנוועזנד כ"ק אדמו"ר מתולדות אהרן שליט"א, כ"ק אדמו"ר מראחמיסטריווקא שליט"א, כ"ק אדמו"ר מדושינסקיא שליט"א, כ"ק אדמו"ר מפינסק קארלין שליט"א, כ"ק אדמו"ר מבוהוש שליט"א, כ"ק אדמו"ר ממשכנות הרועים שליט"א, המשפיע הגה"צ רבי צבי מאיר זילבערבערג שליט"א ראש חבורת נחלת יעקב. און לידם זענען געזעסן די שרי התורה חברי הביד"ץ ה"ה הגאון הגדול רבי אברהם יצחק אולמאן שליט"א, הגאון הגדול רבי יודל פישער שליט"א, הגאון הגדול רבי יהושע ראזנבערגער שליט"א, הגאון הגדול רבי שמעון יצחק שלעזינגער שליט"א, הגאון הגדול רבי שמואל בראנדסדארפער שליט"א, הגאון הגדול רבי שלמה יהודה הירש שליט"א, הגאון הגדול רבי חיים אורי פריינד שליט"א, און הגאון הגדול רבי אהרן בראנדסדארפער שליט"א. ובמיוחד האט ארויסגעשיינט דעם חשוב'ן גאסט פון אמעריקע, הגה"צ רבי מאיר צוויבל שליט"א, מרבני ק"ק סאטמאר וויליאמסבורג, וועלכער איז געקומען צופארן בשליחות הקודש פון כ"ק אדמו"ר מסאטמאר שליט"א, וואס באגלייט די פעולות פונעם חשוב'ן מרכז אויף טריט און שריט, ועינו ולבו שם כל הימים.
דער מעמד וואס ווערט באצייכנט ווי א מעמד פאר "הצלת כלל ישראל" בארה"ק, האט צום ערשטן מאל אוועקגעשטעלט דעם כלל ישראל אויף גאר פעסטע יסודות, ווען די פעולות הצלה וואס האלט אונטער דעם יהדות ארה"ק דורך הרה"ח ר' שמעון שישא שליט"א יו"ר עזרה ויעוץ און אלע צענדליגער מיטארבייטער, האבן ב"ה ערהאלטן א נייער פרעכטיגער צענטער וואס וועט זיין "כלל ישראל'ס צענטער", אז די טאג-און-נאכט פעולות הצלה פאר יעדן איד איבער ארץ ישראל בגלות מדינת ישראל, זאלן קענען ממשיך זיין אויפן גרעסטן פארנעם, בעת דער געברויך איז ממש העכער יעדע ערווארטונג אדער שאצונג, און די אויפטוען זענען אוממעגליך צו דעטאלירן, און עס פעלט זיך אויס קריטיש די פארברייטערטע צענטער למען עתידה של כלל ישראל בארה"ק.
כלל ישראל שטעלט זיך אויף די פיס, יהדות ארה"ק פארזארגט זייער עתיד, גדולי ארה"ק באנייען ריזירן צענטער פאר מרכז עזרה ויעוץ, ובשם ה' נעשה ונצליח!!!
ראשי מנהיגי ישראל להצלת כל בחורי ישראל!!!
