שמחת בית טשערנאביל – קרעטשניף: עס איז געשלאסן געווארן די שידוך פון א אייניקל ביי כ"ק אדמו"ר מקרעטשניף שליט"א, די חתן א זון פון זיין זון הגה"צ ר' חיים מרדכי ראזענבוים שליט"א אבד"ק קרעטשניף ביתר, איידעם ביי זיין פעטער כ"ק אדמו"ר מקרעטשניף קרית גת זצ"ל, מיט די כלה א טאכטער פון הגה"צ ר' מרדכי טווערסקי שליט"א, זון פון כ"ק אדמו"ר מטשערנאביל שליט"א פון ב"פ, און איידעם ביי זיין פעטער כ"ק אדמו"ר מטשערנאביל שליט"א פון ב"ב.
שמחת בית דעעש: עס איז געשלאסן געווארן די שידוך פון א אייניקל ביי כ"ק אדמו"ר מדעעש שליט"א, די חתן א זון פון זיין זון הגה"צ ר' ישעי' פאנעט שליט"א פון קרית יואל, איידעם ביי הגה"צ ר' מנחם מענדיל פאנעט שליט"א מדעעש ירושלים, איידעם ביי הגה"צ אבד"ק פאפא ירושלים שליט"א, מיט די כלה א טאכטער פון הגה"צ ר' אהרן יעקב כהנא שליט"א, זון פון הגה"צ ר' אלימלך מספינקא זצ"ל, און איידעם ביי הגה"צ ר' יחיאל וואגשאהל שליט"א אבד"ק תפארת משה וומס"ב.
עס איז געשלאסן געווארן די שידוך פונעם חתן א זון פון הגה"צ ר' ישראל דוד האניג שליט"א ר"ם בישיבת אמרי חיים וויזניץ ב"פ, זון פון הגה"צ ר' יעקב האניג שליט"א מקאזעווע, און איידעם ביי הגה"צ אבד"ק באיאן ב"פ זצ"ל, מיט די כלה א טאכטער פון הגה"צ ר' משה ווידער שליט"א, זון פון הגה"צ אבד"ק לינז שליט"א, און איידעם ביי הגה"צ ר' ישראל שנעעבאלג שליט"א אבד"ק באלחוב.
קומענדיגן מיטוואך די דריטע טאג חול המועד וועט פארקומען די שמחת הברית פון צוויי אור אייניקלעך ביי כ"ק אדמו"ר מסקווירא שליט"א, בן הנולד ביי הרב ישכר דוב טווערסקי שליט"א, זון פונעם רבינ'ס זון הגה"צ ר' אהרן מענדיל טווערסקי שליט"א, און איידעם ביים רבינ'ס זון הגה"צ ר' חיים מאיר טווערסקי שליט"א, איידעם ביי כ"ק אדמו"ר מבארניב שליט"א. און בן הנולד ביי הרב מרדכי טווערסקי שליט"א, זון פונעם רבינ'ס איידעם כ"ק אדמו"ר מראחמיסטריווקא שליט"א פון מאנסי, און איידעם ביי כ"ק אדמו"ר מבאסטאן ב"פ שליט"א. – די שמחות קומען פאר אין די גרויסע סוכה אין שיכון סקווירא.
קומענדיגן מאנטאג די צווייטע טאג חול המועד אין ארץ ישראל, וועט פארקומען די שמחת הבר מצוה פון א אייניקל ביי כ"ק אדמו"ר מקרעטשניף קרית גת שליט"א, א זון פון זיין זון הרב חיים מרדכי ראזענבוים שליט"א, איידעם ביי הגה"צ ר' יהושע מנחם שטערן שליט"א אבד"ק ראחמיסטריווקא ב"ב. – די שמחה קומט פאר אין די סוכה פארנט פון קרעטשניפער בית המדרש אין קרית גת.
קומענדיגן מאנטאג די ערשטע טאג חול המועד וועט פארקומען די גרויסארטיגע מעמד הכנסת ספר תורה בחצר הקודש סקולען, פאר די ספר תורה וואס איז געשריבן געווארן דורך חסידי ומעריצי בית סקולען, לזכר נשמת כ"ק אדמו"ר הרה"ק בעל ישועת יעקב מסקולען זצ"ל, די ספר תורה וועט ווערן אריינגעפירט לבית מדרשו של רבי קהל ישועת ישראל סקולען אין בארא פארק, אין שפיץ פון בניו כ"ק מרנן האדמורי"ם מסקולען שליט"א.
קומענדיגן דינסטאג די צווייטע טאג חול המועד וועט פארקומען די גרויסארטיגע מעמד הכנסת ספר תורה בחצר הקודש סאטמאר, פאר די ספר תורה וואס ווערט אריינגעגעבן דורך הרב חיים צבי טייטלבוים שליט"א, זון פון הגה"צ אבד"ק סאטמאר וומס"ב שליט"א, אייניקל פון כ"ק אדמו"ר מסאטמאר שליט"א, לזכר נשמת זקינו הרה"ק רבי שלום אליעזר מראצפערט זי"ע, די תהלוכה וועט ארויסגיין פון שטוב פון הגה"צ אבד"ק סאטמאר וומס"ב שליט"א אויף פארעסט ראוד, און עס וועט ווערן אריינגעפירט צום ביהמ"ד הגדול אין קרית יואל.
קומענדיגן דינסטאג די דריטע טאג חול המועד אין ארץ ישראל וועט פארקומען די מעמד הכנסת ספר תורה בחצר הקודש לעלוב, פאר די ספר תורה וואס ווערט אריינגעגעבן לע"נ הרה"ח ר' אהרן טשארנאס ע"ה, די ספר תורה וועט געפירט ווערן פון שטוב פון הרב החסיד ר' אלעזר קנופף הי"ו, צום לעלובער בית המדרש אויף רחוב צפניה אין ירושלים.
קומענדיגן זונטאג די צווייטע טאג יו"ט סוכות קומט פאר די מעמד הכנסת ספר נביא מלכים צום ביהמ"ד אמרי יהודה ברעזאן אין בארא פארק, געשריבן דורכ'ן רב הביהמ"ד הגה"צ ר' מאיר מרדכי אונסדארפער שליט"א, לזכר נשמתו פון זיין פעטער הרב אהרן ארי' רוקח ז"ל מקאזלאוו.
קומענדיגן דינסטאג די דריטע טאג חול המועד אין ארץ ישראל, וועט כ"ק אדמו"ר מבעלזא שליט"א אפרעכטן א ספעציעלע נאכמיטאג טיש לכבוד המועד אין די גרויסע סוכה נעבן ביהמ"ד הגדול, געאייגענט פאר די טויזענטער תלמידי הישיבות דחסידי בעלזא.
קומענדיגן זונטאג די ערשטע טאג חול המועד אין ארץ ישראל, וועט כ"ק אדמו"ר ממשכנות הרועים שליט"א אנקומען קיין בית שמש אויף א באזוך בקרב חסידיו, און אפרעכטן א שמחת בית השואבה בבית מדרשו אויף רחוב נהר הירדן.
היינט ערב יו"ט געפאלט די יומא דהילולא קדישא פון כ"ק הגה"ק מהרי"ץ דושינסקיא זי"ע גאב"ד ירושלים, נכדו כ"ק אדמו"ר מדושינסקיא שליט"א וועט ארויפגיין צום ציון הק' בראש קהל חסידיו ביים בית החיים שערי צדק אין ירושלים עיה"ק.
די ערשטע טאג יו"ט געפאלט די יומא דהילולא קדישא פון הרה"ק רבי מרדכי'לע מנדבורנא זי"ע, די אייניקלעך כ"ק האדמורי"ם לבית נדבורנא און קרעטשניף שליט"א וועלן אפרעכטן די יארצייט טישן און קידושים לכבוד די יארצייט.
די צווייטע טאג יו"ט געפאלט די יומא דהילולא קדישא פון הרה"ק בעל דרכי תשובה ממונקאטש זי"ע, די אייניקלעך כ"ק האדמורי"ם ממונקאטש און דינוב שליט"א וועלן אפרעכטן די יארצייט טישן און קידושים לכבוד די יארצייט.
זונטאג נאכט חול המועד געפאלט די פיפטע הילולא קדישא פון כ"ק אדמו"ר מפיטסבורג זצ"ל בעל תפארת מרדכי, בנו ממלא מקומו כ"ק אדמו"ר מפיטסבורג שליט"א וועט אפרעכטן די יארצייט טיש און שמחת בית השואבה אין די גרויסע סוכה אין קרית פיטסבורג אין אשדוד.
מיטוואך די דריטע טאג חול המועד געפאלט די יומא דהילולא קדישא פון הרה"ק דער יו"ד הקדוש פון פשיסחא זי"ע, די אייניקלעך כ"ק האדמורי"ם שליט"א לבית ביאלא און משכנות הרועים וועלן אפרעכטן די יארצייט טישן ברוב עם.
מיטוואך די דריטע טאג חול המועד געפאלט די יומא דהילולא קדישא פון הרה"ק בעל קדושת אהרן מסאדיגורא זי"ע, די אייניקלעך כ"ק האדמורי"ם שליט"א לבית סאדיגורא וועלן אפרעכטן די יארצייט טישן ברוב עם.
מיטוואך די דריטע טאג חול המועד געפאלט די יומא דהילולא קדישא פון כ"ק אדמו"ר בעל דובר מישרים מספינקא זצ"ל, די קינדער און אייניקלעך כ"ק האדמורי"ם שליט"א וועלן אפרעכטן די יארצייט טישן ברוב עם, און פוקד זיין דעם ציון הק' אין ניו דזשערזי להיפקד בדבר ישועה ורחמים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
