שמחת בית קארלין סטאלין: היינט קומט פאר די שמחת החתונה פון א אייניקל ביי כ"ק אדמו"ר מקארלין סטאלין שליט"א, די כלה א טאכטער פון בנו הגדול הגה"צ ר' דוד יהושע שוחט שליט"א אב"ד קהל חסידים אין לאס אנדזשעלעס, איידעם ביי כ"ק אדמו"ר מקליוולאנד שליט"א, מיט די חתן א זון פון הגה"צ ר' ישראל שנעעבאלג שליט"א, זון פון הגה"צ ר' חיים פייוויל שנעעבאלג שליט"א אבד"ק קהל אברכים מאנסי, און איידעם ביי הגה"צ ר' משולם נתן שפיגל שליט"א אדמו"ר מקאלושין מאנסי, איידעם ביי הגה"צ ר' משה גרויס שליט"א מקערעסטיר בערבעשט. – די שמחת החתונה קומט פאר אין זאל עטרת גאלדא אין בארא פארק.




שמחת בית ספינקא – בורשטין: היינט קומט פאר די שמחת החתונה פון א אייניקל ביי כ"ק אדמו"ר מתולדות צבי ספינקא שליט"א, די כלה א טאכטער פון זיין זון הגה"צ ר' יחזקאל שרגא הורוויץ שליט"א דומ"ץ ספינקא, איידעם ביי כ"ק אדמו"ר מבורשטין שליט"א, מיט די חתן א זון פון הגה"צ ר' מאיר גרינוואלד שליט"א ר"ם בישיבת פאפא, זון פון הגה"צ ר' אליעזר דוד גרינוואלד שליט"א אבד"ק טעטש וומס"ב, און איידעם ביי הגה"צ אבד"ק מילדוי שליט"א. – די שמחת החתונה קומט פאר אין זאל פרדס צבי אין וויליאמסבורג.




שמחת בית סטאניסלאוו – לעלוב: היינט קומט פאר די שמחת החתונה פון די כלה א טאכטער ביי כ"ק אדמו"ר מסטאניסלאוו שליט"א פון מאנסי, איידעם ביי הגה"צ אבד"ק טענקא ירושלים זצ"ל, מיט די חתן א זון פון הגה"צ ר' אהרן שלום פריעדמאן שליט"א, זון פון הגה"צ ר' משה פריעדמאן שליט"א דומ"ץ סאטמאר ב"פ, און איידעם ביי כ"ק אדמו"ר מלעלוב שליט"א פון ירושלים. – די שמחת החתונה קומט פאר אין זאל עטרת טשארנא אין מאנסי.


שמחת בית פשעווארסק – דעעש – קאסאני: היינט קומט פאר די שמחת החתונה פון א אור אייניקל ביי כ"ק אדמו"ר מפשעווארסק שליט"א, אייניקל פון זיין איידעם הגה"צ ר' משה שמואל ראטטענבערג שליט"א אבד"ק קאסאני וומס"ב, די כלה א טאכטער פון זיין זון הרב נפתלי יחיאל מיכל ראטטענבערג שליט"א, איידעם ביי כ"ק אדמו"ר מדעעש קרית יואל שליט"א, מיט די חתן א זון פון הרב מרדכי בעריש מערמלשטיין שליט"א, זון פון הגה"צ ר' יהוסף אלעזר מערמלשטיין שליט"א מדעלאטין. – די שמחת החתונה קומט פאר אין זאל תפארת עלקא אין מאנסי.


היינט קומט פאר די שמחת החתונה פונעם חתן א זון פון הגה"צ ר' דוד פלאם שליט"א אבד"ק סטרעטין לעיקוואד, איידעם ביי הגה"צ אבד"ק סטריקוב שליט"א, מיט די כלה א טאכטער פון הגה"צ ר' משה יוסף אונסדארפער שליט"א אבד"ק זלאזשיץ, זון פון כ"ק אדמו"ר מזלאזשיץ שליט"א, און איידעם ביי הגה"צ אבד"ק בייטש זצ"ל. – די שמחת החתונה קומט פאר אין זאל עטרת חי' אין בארא פארק.

שמחת בית קרעטשניף י"ם – גארליץ: עס איז געשלאסן געווארן די שידוך פונעם חתן א זון פון הגה"צ ר' יודא ארי' האלבערשטאם שליט"א, זון פון כ"ק אדמו"ר מגארליץ שליט"א, און איידעם ביי הגה"צ אבד"ק סערט וויזניץ ירושלים זצ"ל, מיט די כלה א טאכטער פון הגה"צ ר' צבי אלימלך שטערן שליט"א ראש ישיבת מבצר התורה קרעטשניף אלעד, זון פון הגה"צ אבד"ק ראחמיסטריווקא ב"ב שליט"א, און איידעם ביי כ"ק אדמו"ר מקרעטשניף י"ם שליט"א. – די שמחת התנאים קומט פאר היינט אויפדערנאכט אין ביהמ"ד קרעטשניף אויף רחוב אבינועם ילין אין ירושלים עיה"ק.

עס איז געשלאסן געווארן די שידוך פונעם חתן א זון פון הגה"צ ר' אביגדור גראס שליט"א, זון פון כ"ק אדמו"ר מהאלמין שליט"א, און איידעם ביי הגה"צ ר' אהרן גרינצווייג זצ"ל, איידעם ביי הגה"צ ר' וועלוויל טווערסקי זצ"ל מראחמיסטריווקא, מיט די כלה א טאכטער פון הגה"צ ר' מאיר צבי שלאף שליט"א אדמו"ר מפולנאה, זון פון הגה"צ ר' יחזקאל שלאף שליט"א אבד"ק ביאלאווא, און איידעם ביי הגה"צ ר' דוב זונענבאנד שליט"א רב חסידי אלכסנדר, איידעם ביי כ"ק אדמו"ר מאלכסנדר זצ"ל בעל אמרי מנחם.
שמחת בית וויזניץ: היינט קומט פאר די שמחת החתן מאהל פון א אייניקל ביי כ"ק אדמו"ר מוויזניץ שליט"א פון בארא פארק, אור אייניקל פון הגה"צ אבד"ק ראחמיסטריווקא מאנסי שליט"א, די כלה א טאכטער פון זיין איידעם הגה"צ ר' אלימלך טירנויער שליט"א, זון פון כ"ק אדמו"ר מחוסט שליט"א פון וומס"ב, מיט די חתן א זון פון הגה"צ ר' זלמן באב"ד שליט"א, זון פון הגה"צ אבד"ק טארטיקוב שליט"א, און איידעם ביי הגה"צ אבד"ק פאלייענא שליט"א. – די שמחת החתן מאהל קומט פאר אין וויזניצע בית המדרש אין בארא פארק.

שמחת בית וויזניץ: היינט קומט פאר די לעצטע שמחת השבע ברכות פון א אייניקל ביי כ"ק אדמו"ר מוויזניץ שליט"א פון לאנדאן, איידעם ביי כ"ק אדמו"ר מקאלוב שליט"א, די חתן א זון פון זיין זון הגה"צ ר' לוי יצחק האגער שליט"א, איידעם ביי הגה"צ אבד"ק ראחמיסטריווקא מאנסי שליט"א, מיט די כלה א טאכטער פון הגה"צ ר' חיים מאיר האגער שליט"א, זון פון הגה"צ בעל אור שלום מוויזניץ זצ"ל, און איידעם ביי הגה"צ אבד"ק אוהעל מאנסי שליט"א. – די שמחת השבע ברכות קומט פאר אין ישיבה גדולה אמרי חיים וויזניץ אין נייעק.
היינט קומט פאר די שמחת השבע ברכות פונעם חתן א זון פון הגה"צ ר' ישראל לעמבערגער שליט"א רב ביהמ"ד כלל חסידי אין די רמה ד' געגנט אין בית שמש, זון פון כ"ק גאב"ד מאקאווא שליט"א, און איידעם ביי כ"ק אדמו"ר מדזיקוב וויזניץ שליט"א, מיט די כלה א טאכטער פון הגה"צ ר' אברהם האלבערשטאם שליט"א אבד"ק קרית צאנז טבריה, זון פון כ"ק אדמו"ר מצאנז שליט"א, און איידעם ביי כ"ק אדמו"ר מסטראפקוב שליט"א. – די שמחת השבע ברכות קומט פאר אין ביהמ"ד סטראפקוב אין בני ברק.

היינט קומט פאר די שמחת הברית פון א אור אייניקל ביי כ"ק אדמו"ר מטשערנאביל שליט"א, אייניקל פון זיין איידעם הגה"צ ר' יהוסף יחזקאל ראטטענבערג שליט"א ראש ישיבת עטרת צבי, זון פון כ"ק אדמו"ר מקאסאן לעיקוואד שליט"א, בן הנולד ביי זיין זון הרב צבי מאיר ראטטענבערג שליט"א, איידעם ביי הגה"צ ר' חיים מאיר טווערסקי שליט"א אב"ד אוסטילא, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מקאסאני שליט"א. – די שמחה קומט פאר אין טשערנאבילער בית המדרש אין בארא פארק.
כ"ק גאב"ד מאקאווא שליט"א וועלכער האט זיך אויפגעהאלטן אויף א נסיעה צו די קברי צדיקים אין אייראפע לרגל די הילולא קדישא פון זקינו הגה"ק בעל מנוחת אשר מטשענגער זי"ע, קערט זיך היינט צוריק למעון קדשו אין קרית אתא.
כ"ק אדמו"ר מלעלוב שליט"א וועלכער האט זיך אויפגעהאלטן די לעצטע וואך צייט אין ניו יארק לרגל די שמחת החתונה פון א אייניקל, קערט זיך היינט צוריק למעון קדשו אין בית שמש.
כ"ק אדמו"ר מוויזניץ שליט"א פון לאנדאן וועלכער האט זיך אויפגעהאלטן די לעצטע צוויי וואכן אין ניו יארק לרגל די שמחת החתונה פון א אייניקל, קערט זיך היינט צוריק למעון קדשו אין לאנדאן.
כ"ק אדמו"ר מבית יצחק ספינקא שליט"א לאזט זיך היינט ארויס אויפן וועג קיין לאנדאן לקראת די שמחת החתונה פון א אייניקל, די אכסניא וועט זיין אין שטוב פון הרה"ג ר' ישכר בעריש הערשבערג שליט"א.

כ"ק אדמו"ר מסטריקוב שליט"א וועלכער האט זיך אויפגעהאלטן אויף א נסיעה צו די קברי צדיקים אין אייראפע, איז די נאכט אנגעקומען צום שטאט ציריך אין שווייץ, וואו דער רבי וועט זיך אויפהאלטן די קומענדיגע טעג לטובת קרן הבנין פון די נייע סטריקובע בית המדרש אין בני ברק.
הגה"צ אבד"ק צאנז ארה"ב שליט"א בן כ"ק אדמו"ר מצאנז שליט"א, קומט היינט אן אויף א באזוך פון צוויי וואכן בקרב חסידי צאנז אין אמעריקע.

היינט קומט פאר די מעמד קביעת מזוזה און חנוכת הבית פאר די נייע בניני המוסדות אין קרית סקווירא אין בעטהעל, בנין התלמוד תורה און בנין בית חינוך לבנות בית חי' חנה, אין שפיץ פון די קינדער פון כ"ק אדמו"ר מסקווירא שליט"א.

היינט נאכט געפאלט די יומא דהילולא קדישא פון הגה"צ גאב"ד קאפיש זצ"ל, די סעודת הילולא און סיום הש"ס קומט פאר היינט אויפדערנאכט אין ביהמ"ד קאפיש אין וויליאמסבורג.

אריינצושיקן מודעות און נייעס, שיקט אן אימעיל צו NEWS@JDNMAIL.COM