שטייענדיג צוויי יאר נאך די שרעקליכע פייער וואס האט פארברענט די היסטארישע עדת ישראל שוהל אין מעלבארן אויסטראליע, נאך וואס בייזוויליגע פארשוינען האבן אונטערגעצינדן די שוהל און עס ליידער חרוב געמאכט, איז נעכטן זונטאג פארגעקומען א רירנדע מעמד אויפן ארט וואו די מתפללים און חברי הקהילה האבן זיך הארציג געזעגנט פונעם אלטן שוהל געביידע.

צוליב די שווערע חורבן האט מען נישט געקענט צוריק אנהייבן דאווענען אין בית המדרש, און אצינד גרייט מען זיך איינצואווארפן די שוהל, צו קענען אויפבויען אויפן ארט א נייע גרויסע שוהל, גדול יהיה הבית האחרון מן הראשון. צו דעם מאמענט איז פארגעקומען א רירנדע מעמד פרידה ביים אלטן בית המדרדש, וואו די חברי הקהילה האבן זיך צונויפגעזאמלט מיט א ערנסטקייט און געזאגט פרקי תהלים.

הגה"צ ר' שלמה קאהן שליט"א גאב"ד מעלבארן האט אויפגעטרעטן מיט א דרשה, און מעורר געווען דעם ציבור זיך צו מחזק זיין בענין קדושת בית הכנסת. דערנאך האט מען געדאווענט תפילת מנחה, די אונטערשטע תפילה אין ביהמ"ד, און דער ציבור איז זיך צוגעגאנגען מיט רירנדע געפילן, מיטן האפענונג צו קענען פארענדיגן דעם נייעם ביהמ"ד אין די נאנטע צוקונפט.