גרויסע נסים האט זיך אפגעשפילט די נאכט אויף די איי 80 הייוועי אין פענסילוועניע, ווען א גרויסע ווען אנגעפולט מיט ישיבה בחורים האט זיך איבערגעדרייט, און אלע בחורים זענען ארויס פון דארט אומבאשעדיגט ב"ה.
די עקסידענט האט פאסירט ארום האלב נאך פיר פארטאגס, ווען די בחורים פון טעלזער ישיבה אין קליוולאנד זענען געווען אונטערוועגנס קיין מאנסי, נישט ווייט פון נאך א ווען וואס האט געפירט בחורים פון די זעלבע ישיבה קיין לעיקוואד. די ווען איז געפארן אויף א שנעלן ספיד אויפן הייוועי, ווען מיטאמאל האט דער דרייווער פארלוירן קאנטראל און זיך איבערגעדרייט, האבענדיג פארכאפט אלע בחורים אינעווייניג.
עס איז געווען גרויסע נסים אז דער דרייווער פון די אנדערע ווען איז געווען א אקטיווע הצלה מעמבער פון מאנסי, און געציילטע מינוטן דערויף איז ער דורכגעפארן יענעם ארט, און באמערקט וואס עס האט פאסירט מיט די אנדערע ווען. ער האט שנעל אלארמירט די לאקאלע אמבולאנס אגענטור און דערלאנגט ערשטע הילף פאר די דערשראקענע בחורים, אלע בחורים זענען אונטערזוכט געווארן, און אלע זענען שוין ב"ה באפרייט געווארן פון שפיטאל.
