אבל יחיד עשי לך מוסד הק' רופא חולים, וואס איז אלע יארן געלעגן על לוח לבו הטהור פון כ"ק אדמו"ר מקאסוב זצ"ל, דער רבי זצ"ל מיט זיין אפענע הארץ און ברייטע ארעמעס האט זיך אפגעגעבן דערמיט אלע יארן, שטענדיג איז זיין טיר געווען אפן למען חולי ישראל.
דער רבי זצ"ל איז געווען פון די נשיאי האירגון, אסאך געטון און גע'שתדל'ט פאר זייער הצלחה, צו מיט געלט אדער פראפעסארישע קשרים, די חברי ההנהלה פלעגן זיך שטענדיג דורכרעדן מיטן רבי'ן עצה ותושיה, דער רבי האט געגעבן קלארע הוראות און הדרכות וויאזוי זיך צו פירן אויף טריט און שריט, און בסייעתא דשמיא איז דורכדעם אנגעקומען פילצאליגע ישועות פאר אידישע קינדער.
אלע געדענקן דעם רבינ'ס פייערדיגע אויפטריטן ביים גרויסארטיגן דינער פון רופא חולים, דער רבי האט מרעיש עולמות געווען און דורכגעריסן אידישע הערצער אויסצובעטן א ישועה כללית פאר חולי ישראל, פארגעזאגט תהלים בהשתפכות הנפש, און ווי פארשטענדליך געווען פון די הויפט מסובים צו באשיינען יעדע מעמד, מאורע, אדער מסיבה, לטובת די מוסד הק' רופא חולים.
