חסידי בעלזא אין לאנדאן גרייטן זיך בכבוד הראוי צו אנטפאנגען דעם אורח הכבוד הגה"צ ר' אהרן מרדכי רוקח שליט"א בנו יחידו וחביבו פון כ"ק אדמו"ר מבעלזא שליט"א, וועלכער וועט אנקומען אויף א געהויבענע באזוך בקרב חסידי בעלזא אין לאנדאן, אויפצוטרייבן גרויס געלט לטובת מרכז מוסדות בעלזא בארץ הקודש.
הרה"צ ר' אהרן מרדכי וועט אנקומען אין שטאט קומענדיגן זונטאג ראש חודש תמוז, און וועט באשיינען א רייע מסיבות און באנקעטן לטובת מרכז מוסדות בעלזא, די הויכפונקט וועט זיין זונטאג אויפדערנאכט ביים צענטראלן דינער און סעודת ראש חודש במקהלות עם רב, הונדערטער בעלזא חסידים פון גאנץ ענגלאנד, אריינגערעכנט סטעמפארד הילל, גאלדערס גרין, וועסטקליף, און מאנטשעסטער.
אין די זעלבע צייט טוען חסידי בעלזא אין אנטווערפן מקבל זיין א חשובער גאסט, הרב חיים מאיר רוקח שליט"א זון פון הגה"צ ר' אהרן מרדכי שליט"א, וועלכער איז נעכטן אנגעקומען אויף א באזוך בקרב חסידי בעלזא אין שטאט, בשליחות הקודש פון זיין זיידן כ"ק אדמו"ר מבעלזא שליט"א, און וועט פראווענען דעם קומענדיגן שבת אין די בעלזא שטיבלעך אין שטאט.
