א שווערע טראגעדיע האט פאסירט נעכטן נאכט אין ניו דזשערזי, ווען א חרדישער אינגערמאן איז ל"ע טראגיש אומגעקומען נאכן ווערן געשטאכן דורך א גייסטיש צורודערטע פארשוין.
דער אינגערמאן הר"ר שלמה לאונער ע"ה ניין און פערציג יאר אלט, האט געוואוינט אין לעיקוואד און געווען באקאנט אלס א וואוילטעטיגער עסקן מיט א גוט הארץ. פאר פרנסה האט ער געארבעט אין א מענטל העלט אינסטיטושען אין אטלאנטיק סיטי אין סאוט ניו דזשערזי, וואו ער האט זיך אפגעגעבן מיט פארשידענע אנגעלעגנהייטן מיט די ארטיגע איינוואוינער.
נעכטן נאכמיטאג ביי די ארבעט איז איינער פון די איינוואוינער דארט, א גייסטיש צורודערטער פארשוין, צוגעקומען צו אים און געשטאכן פאטאל. ער איז זייער שווער פארוואונדעט געווארן און קורצליך דערויף נפטר געווארן פון די וואונדן ה"י. ער לאזט איבער אן ערשיטערטע משפחה, דריי קינדערלעך אינדערהיים.
