דעם דינסטאג אויפדערנאכט איז פארגעקומען די מעמד יציקת הבורות פאר די נייע מקוה בבנין ביהמ"ד הגדול והחדש דחסידי קאסוב אין בארא פארק, וואס ווערט געבויעט לשם ולתהילה, אצינד לשמו ולזכרו פונעם אומפארגעסליכן מנהיג כ"ק אדמו"ר הרה"ק מקאסוב זצ"ל.
די מעמד איז פארגעקומען אין שפיץ פון כ"ק האדמורי"ם מקאסוב שליט"א, מיט א ענגע צאל חסידים ומקורבים, און דער נדבן המקוה הנגיד החסיד ר' בנציון לעבאוויטש הי"ו, וועלכער האט מנדב געווען די הוצאות המקוה לזכר נשמת אביו הרב החסיד ר' יחיאל לעבאוויטש ע"ה מראשי קהילת וויזניץ מאנסי, ועל שמו יקרא מקוה "טהרת יחיאל".
כ"ק אדמו"ר מקאסוב שליט"א האט משמיע געווען דברות קודש און געוואונטשן ווארעמע ברכות לרוב פארן חשובן נדבן, דערנאך האבן ביידע רבי'ס געגאסן די יסודות, און מכבד געווען די נגידי וחשובי העדה צו גיסן דערנאך. שפעטער איז פארגעקומען א מעמד חתימת שטרות וואו כ"ק אדמו"ר מקאסוב שליט"א האט אונטערגעשריבן דעם קאנטראקט מיטן נדבן ר' בנציון, וועלכער נעמט אויף זיך אלע הוצאות פון די בוי ארבעט אהערצושטעלן די נייע מקוה טהרת יחיאל.
