מטעם בית כ"ק אדמו"ר מוויזניץ שליט"א איז געמאלדן געווארן, אז דעם קומענדיגן שבת קודש פרשת מטות מסעי וועט דער רבי שליט"א זיין צוגאסט אין שיכון סקווירא, בצל הקודש פון גיסו כ"ק אדמו"ר מסקווירא שליט"א, צום ערשטן מאל נאכן איבערנעמען דעם כתר האדמורו"ת.
דער וויזניצער רבי האט ווי באקאנט געלערנט אלס בחור אין סקווירא, און געוואוינט אין שטוב פונעם שוואגער דער סקווירא רבי שליט"א, דורכאויס די יארן האט דער רבי שוין מיטגעהאלטן אסאך שבתים בצל הקודש פונעם שוואגער דער סקווירא רבי שליט"א, אבער אין די לעצטע צוועלף יאר זינט דער רבי איז נתעלה געווארן בכתר האדמורו"ת האט דער רבי נאך קיינמאל נישט געוויילט א שבת אין סקווירא.
אצינד איז באשטעטיגט געווארן אז אין ראם פונעם רבינ'ס באזוך אין ניו יארק אין צוויי וואכן ארום, וועט דער רבי שליט"א צום ערשטן מאל אלס רבי מיטהאלטן א שבת בחצר הקודש סקווירא, לויטן יעצטיגן פלאן וועט דער רבי קומען אין באגלייטונג פון א ענגע צאל בני המשפחה און משמשים בקודש, און בכלל נישט פראווענען עקסטער, נאר אלעס מיטהאלטן ביים סקווירא רבי'ן אין גרויסן ביהמ"ד.
