נאך א לענגערע תקופה פון העפטיגע בוי ארבעט אהערצושטעלן דעם נייעם ריזן בנין בית רחל החדש "בנין אליהו ניישטאדט", וואס געפונט זיך אין די סאטמארע מוסדות קאמפלעקס אויף טשערי לעין אין די עירמאונט געגנט אין מאנסי, ווערט די בנין באנייעט אין א מזל'דיגע שעה דעם דאנערשטאג ב' אלול, צום אנהייב פון די נייע לערן יאר תשפ"ה.
די מוסדות קאמפלעקס וואס ווערט גערופן "שיכון מנחם צבי" איז אריבער העפטיגע בוי ארבעט אין די לעצטע פאר יאר, אנגעהויבן מיט די בנין התלמוד תורה וואס איז שוין באנייעט געווארן אין א מזל'דיגע שעה, און אצינד מיט די מיידל שולע בנין וואס איז שוין לאנג אין קאנסטרוקציע, און איז יעצט פארענדיגט געווארן כלול בהדרו, צום טיפן פרייד פון כלל תלמידי וחסידי סאטמאר אין די גאנצע וועלט, און תושבי מאנסי בפרט.
