יעצט דינסטאג נאכמיטאג איז הגה"צ ר' מרדכי שטיינער שליט"א אב"ד בית מרדכי אין מאנסי אריינגענומען געווארן אין אפעראציע צימער, דער רב שליט"א גייט אריבער א קאמפליצירטע אפעראציע אויפן הארץ, און די דאקטוירים האפן צו קענען היילן דעם רבי'ן מיטן אויבערשטנס הילף.
דער רב שליט"א געפונט זיך אין שפיטאל שוין באלד צוויי וואכן, צוערשט אין די מאונט סיני שפיטאל אין מאנהעטן, און שפעטער איז דער רב אריבערגעפירט געווארן קיין קליוולאנד, וואו עס איז באשטעטיגט געווארן אז דער רב דארף זאפארט אריבערגיין א קאמפליצירטע אפעראציע אויפן הארץ צו פארגרינגערן דעם רב'ס געזונט.
יעצט נאכמיטאג איז דער רב אריינגענומען געווארן אין אפעראציע צימער, א שטאב פראפעסיאנאלע דאקטוירים געפונען זיך אויפן ארט, אין די צייט וואס גאנץ כלל ישראל בכל מקומות מושבותיהם טוען איינרייסן וועלטן און מתפלל זיין לרפואתו השלימה של אותו צדיק, דער רב זאל צוריקקומען צו די כוחות און קענען ווייטער משפיע זיין פאר אידישע קינדער, והן קל כביר לא ימאס תפילת הרבים.
הגה"צ ר' מרדכי צבי בן מינדל אסתר לאה לרפואה שלימה, לאורך ימים ושנים טובים, בבריות גופא ונהורא מעליא.
