דעם שבת קודש פרשת כי תצא איז אין א מזל'דיגע שעה אפיציעל געעפנט געווארן די נייע סאטמארע בית המדרש אויף רעמסען אין מאנסי, ביהמ"ד דקהל יטב לב ד'סאטמאר בנין שיף, וואס איז געבויעט געווארן דורך הנגיד החסיד ר' ישראל שיפף הי"ו ראה"ק סאטמאר מאנסי.
די נייע הערליכע בנין בית המדרש איז געבויעט געווארן זייער שנעל, אויף א הערליכע און עלעגאנטע פארנעם כראוי וכיאות לכבוד בית השם, מיט א האלבע יאר צוריק בעפאר יו"ט פסח איז פארגעקומען די קביעת מזוזה און חנוכת הבית, ווען די ביהמ"ד איז צייטווייליג באנייעט געווארן לכבוד יו"ט פסח, און דעם שבת פרשת כי תצא האט מען אפיציעל באנייעט די בית המדרש פאר תורה ותפילה מדי יום ביומו ומדי שבת בשבתו.
לכבוד די ערשטע שבת אין בית המדרש, האט הגה"צ אבד"ק סאטמאר מאנסי שליט"א געפירט שלש סעודות אין בית המדרש, און אויך אויפגעטרעטן מיט א שיעור אין פרקי אבות שבת נאכמיטאג.
