הונדערטער חסידי תולדות אהרן איינוואוינער אין שטאט בית שמש האבן מיט גרויס פרייד מיטגעהאלטן דעם מעמד חנוכת הבית פאר דעם נייעם בית המדרש דחסידי תולדות אהרן אין בית שמש, וואס איז געפראוועט געווארן אין די חול המועד טעג ברוב פאר והדר, א גרויסע סעודה אין דער סוכה פון בית המדרש, און לעבעדיגע ריקודין אינעם נייעם היכל בית המדרש.
די חנוכת הבית איז געפראוועט געווארן אין שפיץ פונעם רב הקהילה הגה"צ ר' ישראל חיים קאהן שליט"א אדמו"ר מנחלת אהרן, בנו חביבו פון כ"ק אדמו"ר הרה"ק מתולדות אהרן זצ"ל, לכבוד די חגיגה האט ער באנייט א נייעם בגד און געמאכט א ברכת שהחיינו בשם ומלכות, ווען די חברי הקהילה טאנצן און פרייען זיך פאר לענגערע שעות לכבוד די גרויסע דערגרייכונג.
