מטעם קהל יטב לב ד'סאטמאר אין בארא פארק איז געמאלדן געווארן אז דעם קומענדיגן שבת קודש פרשת שמות וועט מען האבן די זכיה צו מקבל זיין את פני הקודש פון כ"ק אדמו"ר מסאטמאר שליט"א, וועלכער וועט פראווענען א געהויבענע שבת בקרב חסידי סאטמאר תושבי בארא פארק.
דער רבי שליט"א וועט וויילן אין בארא פארק לרגל די שבת שבע ברכות פון א אייניקל, די כלה א טאכטער פון זיין זון הגה"צ ר' יעקב בער טייטלבוים שליט"א סיגעטער רב, מיט די חתן א זון פון הגה"צ ר' אלכסנדר אשכנזי שליט"א אב"ד קאריץ, זון פון כ"ק אדמו"ר מהורדענקא שליט"א, און איידעם ביי כ"ק אדמו"ר מקאלוב שליט"א. די חתונה קומט פאר מאנטאג פרשת שמות אין סאטמארער הויף אין וויליאמסבורג.
די שבת שבע ברכות קומט פאר אין בארא פארק מקום מגוריו פון דער אבי הכלה, די תפילות און טישן בצל הקודש וועלן געפראוועט ווערן אויף א גרויסע פארנעם אין ביהמ"ד הגדול דקהל יטב לב ד'סאטמאר, גענוי ווי ביי די פריערדיגע שבתות של שמחה וואס דער רבי האט שוין געפראוועט אין בארא פארק אין די פארלאפענע יארן.
