גרויסע אמעריקאנע נייעס ווערט באריכטעט אצינד, אז דער געוועזענער פרעזידענט פון די פאראייניגטע שטאטן דזשימי קארטער, איז געשטארבן אין הויכן עלטער פון הונדערט יאר, נאכן ליידן די לעצטערע חדשים אויף א שווערע קרענק.
פרעזידענט קארטער האט סערווירט אלס פרעזידענט פון אמעריקע פאר איין טערמין פון פיר יאר, פון 1977 ביז 1981, ער איז געווען באקאנט מיט זיינע אויפטואונגען אין די פאליטישע וועלט, און ער איז דאן דערקלערט געווארן אלס דער נאבעלער שלום פרייז געווינער, נאכן ברענגען א אפמאך צווישן עגיפטן און מדינת ישראל.
אויך איז ער באקאנט מיט זיין ווארעמע אויפנאמע פאר א חשובע דעלעגאציע פון גדולי ישראל, וואס זענען געפארן קיין וואשינגטאן צו שתדל'ן למען הצלת בתי חיים באייראפע, צווישן די גדולי הדור וואס זענען געפארן זיך טרעפן מיט פרעזידענט קארטער איז געווען כ"ק אדמו"ר הרה"ק בעל ברך משה מסאטמאר זצ"ל, כ"ק אדמו"ר הרה"ק בעל דברי שלמה מבאבוב זי"ע, און זיין זון הרה"ק רבי נפתלי צבי מבאבוב זי"ע. כ"ק אדמו"ר הרה"ק בעל תורת מרדכי מוויזניץ זי"ע, און זיין זון להבחל"ח כ"ק אדמו"ר מוויזניץ שליט"א פון מאנסי.
