זיך גרייטענדיג צו די היסטארישע חגיגה דורך כלל חסידי וויזניץ, צו פראווענען דעם סיום סדר נזיקין והתחלת הש"ס במסגרת הלימוד מאמר מרדכי דחסידי וויזניץ העולמי, האט כ"ק אדמו"ר מוויזניץ שליט"א פון מאנסי פראקלאמירט היינט א ספעציעלע סדר לימוד רבתי, וואס וועט פארקומען דעם קומענדיגן דינסטאג ביום התחלת הש"ס אין ביהמ"ד הגדול וויזניץ אין מאנסי.
יעצט נאכמיטאג ביים זאת חנוכה טיש ברוב עם, האט דער רבי שליט"א ארומגערעדט מיט התרגשות איבער די גרויסע מאורע ווען כלל חסידי וויזניץ הייבן אן לערנען סדר הש"ס פון אנהייב, לשמו ולזכרו פונעם פאטער הרה"ק בעל תורת מרדכי מוויזניץ זי"ע וועלכער האט געבעטן אין די צוואה אז מען זאל לערנען לעילוי נשמתו א בלאט גמרא יעדן טאג.
דער רבי האט ערווענט אז דעם קומענדיגן דינסטאג ויחי, איין טאג נאך ניטל וועט מען מוסיף זיין דעם כח התורה, אין דעם טאג ווען אלע חסידים הייבן אן ש"ס פון אנהייב, זאל יעדער זעהן זיך אנצושליסן אין די חבורה, און דינסטאג ביינאכט וועט פארקומען א גרויסע מעמד התחלת הש"ס וואו די טויזענטער חסידים וועלן זיך צוזאמקומען אין ביהמ"ד הגדול אין שיכון וויזניץ מאנסי, און צוזאמען לערנען דעם סדר לימוד אנצוהייבן ש"ס בצוותא חדא, ברוב עם הדרת מלך.
צו הערן די דברות קודש קליקט דא:
