JDN

שמחת בית סלונים: היינט קומט פאר די שמחת החתונה פון א אייניקל ביי כ"ק אדמו"ר מסלונים שליט"א, די חתן א זון פון זיין איידעם הגה"צ ר' חיים יהודה לייב אויערבאך שליט"א, זון פון הגה"צ אבד"ק אביר יעקב תל אביב שליט"א, מיט די כלה א טאכטער פון הרב ברוך מרדכי מאלוויצקי שליט"א, זון פון הגה"צ ר' אהרן לייב מאלוויצקי שליט"א מלעכאוויטש, אייניקל פון כ"ק אדמו"ר מטשאקאווא זצ"ל. – די שמחת החתונה קומט פאר אין ביהמ"ד הגדול סלונים אויף רחוב סלנט אין ירושלים.

היינט קומט פאר די שמחת החתונה פונעם חתן א זון פון הגה"צ ר' ישכר רובין שליט"א אבד"ק קאזניץ סיגעיט, אייניקל פון כ"ק אדמו"ר מנאראל שליט"א, און איידעם ביי כ"ק אדמו"ר מקאסוב זצ"ל, מיט די כלה א טאכטער פון הגה"צ ר' משה שמואל ראטטענבערג שליט"א, זון פון כ"ק אדמו"ר מקאסאן לעיקוואד שליט"א, און איידעם ביי הגה"צ ר' משה יוסף אונגער שליט"א אבד"ק ווייטצען שיקאגא. – די שמחת החתונה קומט פאר אין זאל עטרת גינענדל אין לעיקוואד.

היינט קומט פאר די שמחת החתונה פונעם חתן א זון פון הרב יעקב ישראל זילבער שליט"א, זון פון הגה"צ ר' אברהם שמואל זילבער שליט"א אבד"ק בית מרדכי צבי קאשוי, און איידעם ביי הגה"צ ר' שמעי' גרינבוים זצ"ל מח"ס סייעתא דשמיא, מיט די כלה א טאכטער פון הרב מנחם מענדיל ראטטענבערג שליט"א, זון פון כ"ק אדמו"ר מקאסאן ב"פ שליט"א, און איידעם ביי הגה"צ ר' הערשיל דערמער שליט"א אב"ד ניאמץ. – די שמחת החתונה קומט פאר אין זאל אהלי פרידא אין בארא פארק.

היינט קומט פאר די שמחת הנחת תפילין פון א אור אייניקל ביי כ"ק אדמו"ר מסקווירא שליט"א, אייניקל פון בנו הגדול הגה"צ ר' אהרן מענדיל טווערסקי שליט"א, א זון פון זיין זון הרב יצחק טווערסקי שליט"א משגיח אין ישיבה קטנה תולדות יעקב יוסף סקווירא אין מאנטיסעלא, איידעם ביי כ"ק אדמו"ר מביקסאד שליט"א. – די מעמד הנחת תפילין קומט פאר אין ביהמ"ד הגדול אין שיכון סקווירא, און די סעודת מצוה שפעטער ביינאכט אין די גרויסע שאטער.

היינט ז' שבט געפאלט די יומא דהילולא קדישא פון כ"ק אדמו"ר מקאשוי זצ"ל בעל שיח חיים, די צענטראלע עלי' לציון קומט פאר היינט נאכמיטאג אויפן בית החיים אין קרית קאשוי, און דערנאך די סעודת הילולא און סיום הש"ס אין גרויסן ביהמ"ד אין קאשוי שטעטל. כ"ק אדמו"ר מקאשוי שליט"א וועט היינט נאך שחרית אפרעכטן א לחיים טיש בהיכל ישיבה גדולה אהל רפאל קאשוי אין ברוקלין, און דערנאך ארויפגיין צום ציון הק' אינאיינעם מיט די תלמידי הישיבה.

היינט קומט פאר א גרויסע מעמד סדר לימוד רבתי אין ביהמ"ד הגדול וויזניץ אין מאנסי, אנצוהייבן התחלת הש"ס במסגרת הלימוד מאמר מרדכי דחסידי וויזניץ, עס קומט פאר אין שפיץ פון כ"ק אדמו"ר מוויזניץ שליט"א פון מאנסי וועלכער וועט משמיע זיין דברי ברכה.

היינט קומט פאר א גרויסע מעמד סדר לימוד רבתי אין ביהמ"ד הגדול וויזניץ אין וויליאמסבורג, אנצוהייבן התחלת הש"ס במסגרת הלימוד מאמר מרדכי דחסידי וויזניץ, עס קומט פאר אין שפיץ פון כ"ק אדמו"ר מוויזניץ שליט"א פון וויליאמסבורג.

היינט קומט פאר אין לאנדאן די גרויסע מעמד קשר נצחי פאר חסידי וויזניץ, סיום סדר נזיקין והתחלת הש"ס במסגרת מאמר מרדכי, עס קומט פאר אין די נייע פראכטפולע זאל פון בנות ציון ד'באבוב, אין שפיץ פון כ"ק אדמו"ר מוויזניץ שליט"א פון לאנדאן.