שמחת בית דאראג: היינט קומט פאר די שמחת החתונה פון א אייניקל ביי כ"ק אדמו"ר מדאראג שליט"א, די כלה א טאכטער פון זיין יונגסטע זון הרב יהושע אהרן ראזענפעלד שליט"א, איידעם ביי הגה"צ ר' עמרם געשטעטנער שליט"א גאב"ד קרית אגודת ישראל, מיט די חתן א זון פון הרב מנחם מענדיל גרין שליט"א מחשובי חסידי דאראג, איידעם ביי הרה"ג ר' יצחק צבי שפרינצעלעס זצ"ל רב שכונת גבעת רוקח אין בני ברק. – די שמחת החתונה קומט פאר אין ביהמ"ד הגדול דאראג אין בני ברק.
היינט קומט פאר די שמחת החתונה פונעם חתן א זון פון הגה"צ ר' יצחק אייזיק ראטטענבערג שליט"א אב"ד קאזעווע בלומינגראוו, זון פון כ"ק אדמו"ר מקאזעווע שליט"א, און איידעם ביי הגה"צ ר' מאיר יוסף רובין זצ"ל מקערעסטיר, מיט די כלה א טאכטער פון הגה"צ ר' יוסף מאיר שווארץ שליט"א דומ"ץ מישקאלץ, זון פון הגה"צ ר' אברהם יונה שווארץ שליט"א גאב"ד וויען עסטרייך, און איידעם ביי הגה"צ ר' חיים מרדכי יעקב גאטליעב שליט"א אבד"ק יגל יעקב מישקאלץ. – די שמחת החתונה קומט פאר אין זאל גינת אסתר אין וויליאמסבורג.
היינט קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין זון הגה"צ ר' אברהם יהושע העשיל האגער שליט"א, איידעם ביי כ"ק אדמו"ר מבארניב שליט"א, מיט די כלה א טאכטער פון כ"ק אדמו"ר מוויזניץ שליט"א פון מאנטריאל. - די שמחת השבע ברכות קומט פאר בהיכל ישיבה גדולה בנין אבות וויזניץ אין קייאמישע לעיק.
היינט קומט פאר די שמחת הבר מצוה פון א אייניקל ביי כ"ק אדמו"ר מטשארנאביל שליט"א, א זון פון זיין זון הרב צבי נחמן טווערסקי שליט"א, איידעם ביי כ"ק אדמו"ר מקרעטשניף קרית גת שליט"א, איידעם ביי כ"ק אדמו"ר מפאריסוב זצ"ל. – די שמחה קומט פאר אין ביהמ"ד טשארנאביל אין אשדוד.
היינט נאכט כ"ב טבת געפאלט די יומא דהילולא קדישא פון הרה"ק רבי שלום משאץ זי"ע, פילע אידן וועלן פוקד זיין דעם ציון הק' אויפן ענפיעלד בית החיים אין לאנדאן להיפקד בדבר ישועה ורחמים, אין מאנטריאל קומט פאר א יארצייט סעודה אין זאל עטרת פיגא, אין שפיץ פון נכדו כ"ק אדמו"ר משאץ מאנטריאל שליט"א, אין לאנדאן קומט פאר א יארצייט סעודה אין ביהמ"ד שאץ אויף סט. קילדעס, אין אשדוד קומט פאר א יארצייט סעודה אין ביהמ"ד מעליץ, אין שפיץ פון נכדו כ"ק אדמו"ר ממעליץ שליט"א, אין מאנסי קומט פאר א יארצייט סעודה אין יאמפאלא ביהמ"ד, אין שפיץ פון נכדו כ"ק אדמו"ר מיאמפאלא שליט"א.
היינט קומט פאר אין לאנדאן די מעמד הכנסת ספר תורה וואס ווערט אריינגעגעבן צום סקווירא בית המדרש אין די טאטענהעם געגנט, אין שפיץ פון הגה"צ ר' יצחק טווערסקי שליט"א בן כ"ק אדמו"ר מסקווירא שליט"א.
כ"ק אדמו"ר מוויזניץ שליט"א פון לאנדאן וועלכער האט געוויילט די לעצטע וואך צייט אין אנטווערפן בקרב חסידיו, קערט זיך היינט צוריק למעון קדשו אין לאנדאן.
צו די פטירה פון הגה"צ ר' משה אהרן רייך זצ"ל גאב"ד פשעווארסק וויליאמסבורג, זיצן שבעה די בני המשפחה אין זיין שטוב אויף די מערקאטאר גאס אין אנטווערפן, בנו הגה"צ ר' נפתלי אלימלך רייך שליט"א, בנו הגה"צ ר' איציקל רייך שליט"א, בנו הגה"צ ר' אברהם שמעון רייך שליט"א, און זיין איינציגע טאכטער אשת הגה"צ ר' מנחם מענדיל הורוויץ שליט"א בן כ"ק אדמו"ר מבית יצחק ספינקא שליט"א. אויך זיצן די ברידער האבלים, ביז דעם קומענדיגן פרייטאג ערב שבת קודש נאכמיטאג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
