פארלאפענע וואך איז כ"ק אדמו"ר מטעמעשוואר שליט"א געראטעוועט געווארן מיט גרויסע נסים, ווען א טראק האט אראפגעקלאפט דעם רבי'ן זייענדיג אויפן וועג צום דאווענען, ווען דער רבי האט אריבערגעפירט קינדערלעך אריבער די גאס אויפן וועג צו גיין אין חדר.
א טראק וואס איז אריבערגעפארן האט אראפגעקלאפט דעם רבי'ן, וועלכער איז מיט גרויסע נסים נישט געשעדיגט געווארן. די הצלה לייט האבן גענומען דעם רבי'ן אין שפיטאל פאר אונטערזוכונגען, און נאכן פעסטשטעלן אז עס האט ב"ה גארנישט פאסירט האט זיך דער רבי אומגעקערט צו זיך אהיים.
היינט מיטוואך האט דער רבי אפגעראכטן א ספעציעלע סעודת הודאה בבית מדרשו אין בני ברק, דער רבי פערזענליך האט געלאדנט די חסידים און מקורבים זיך מיטצופרייען און דאנקן דעם בורא כל עולמים.
