היינט איז נפטר געווארן א חשובע רעבעצין אין ארץ ישראל, משרידי דור הישן, פון די לעצט פארבליבענע קינדער פון כ"ק אדמו"ר הרה"ק רבי חיים יעקב מקאמארנא זי"ע, הרבנית הינדא גאטליעב ע"ה, אין טיפן עלטער פון הונדערט און צוויי יאר, איבערלאזנדיג א הערליכע דור בליעה"ר.
די חשובע רעבעצין ע"ה איז געבוירן געווארן אין דער אלטער היים, איר פאטער דער קאמארנא רבי איז געווען דער פיפטער רבי אין די קאמארנא דינאסטיע, א זון פון הרה"ק רבי אברהם מרדכי מקאמארנא באריסלאוו זי"ע, א זון פון הרה"ק רבי אליעזר צבי מקאמארנא זי"ע בעל דמשק אליעזר, א זון פון הרה"ק רבי אייזיק'ל מקאמארנא זי"ע בעל היכל הברכה, וועמענס יומא דהילולא קדישא עס געפאלט היינט נאכט י' אייר, א זון פון הרה"ק רבי אלכסנדר סנדר מקאמארנא זי"ע דער ערשטער קאמארנא רבי.
די רעבעצין ע"ה איז אויפגעוואקסן אין שטוב פון איר גרויסער פאטער דער קאמארנער רבי זצ"ל, וועלכער האט אנגעפירט דעם שיינעם רעבישן הויף אין ירושלים עיה"ק, איר מאן הרה"ג ר' עקיבא משה גאטליעב זזצ"ל איז געווען דער נשיא פון ישיבת רבינו חיים יוסף אין ירושלים, און א אייניקל פון הגה"ק המפורסם רבי חיים יוסף גאטליעב זצ"ל אבד"ק סטראפקוב, בעמח"ס טיב גיטין וקידושין.
די לוויה איז פארגעקומען היינט מיטאג אין ירושלים, און זי איז געקומען לקבורה אויפן הר הזיתים, נעבן חלקת אבותיה הקדושים. זי לאזט איבער איין ברודער ביים לעבן, כ"ק אדמו"ר מקאמארנא ארה"ב שליט"א, און פילע קרובי המשפחה דערינטער אלע קאמארנא רבי'ס שליט"א וועלכע זענען א פלומעניק פונ
עם חשובן נפטרת ע"ה.
