שמחת בית סאטמאר: עס איז געשלאסן געווארן די שידוך פון א אייניקל ביי כ"ק אדמו"ר מסאטמאר שליט"א, די חתן א זון פון זיין יונגסטן זון הגה"צ ר' יואל טייטלבוים שליט"א רב ביהמ"ד בית ברוך אין קרית יואל, איידעם ביי הגה"צ אבד"ק בערטש שליט"א, מיט די כלה א טאכטער פון הגה"צ ר' ישראל אברהם אלטר טויב שליט"א אבד"ק תולדות נפתלי קאלוב ב"פ, איידעם ביי כ"ק אדמו"ר משאץ זצ"ל.
היינט קומט פאר די שמחת הבר מצוה פון א אור אייניקל ביי כ"ק האדמורי"ם מטשערנאביל שליט"א, הבחור הבר מצוה זון פון הרב משולם זושא טווערסקי שליט"א, זון פון הגה"צ ר' מרדכי טווערסקי שליט"א, זון פון כ"ק אדמו"ר מטשערנאביל שליט"א פון בארא פארק, און איידעם ביי כ"ק אדמו"ר מטשערנאביל שליט"א פון בני ברק, און איידעם ביי הגה"צ ר' מנחם מענדיל קליין שליט"א דומ"ץ טאב מאנטריאל. – די שמחה קומט פאר אין זאל אנשי ספרד אין בארא פארק.
היינט קומט פאר די שמחת התנאים פונעם חתן א זון פון הגה"צ ר' שמואל אברהם זעלטענרייך שליט"א, זון פון הגה"צ אבד"ק טשאקאווא קערעסטיר שליט"א, און איידעם ביי הגה"צ ר' בנציון דוב האלבערשטאם שליט"א מסארוואש, איידעם ביי הגה"צ ר' לייבל סטעמפל שליט"א, אייניקל פון הרה"ק בעל קדושת ציון מבאבוב זי"ע, מיט די כלה א טאכטער פון הגה"צ ר' יעקב דוד ארנסטר שליט"א, זון פון הגה"צ ר' ישראל ארנסטר שליט"א, אייניקל פון הרה"ק בעל אמרי חיים מוויזניץ זי"ע, און איידעם ביי כ"ק אדמו"ר מאלכסנדר שליט"א. – די שמחה קומט פאר אין בעלזא זאל אין בארא פארק.
כ"ק אדמו"ר מוויזניץ שליט"א פון ירושלים קומט היינט אן אויף א באזוך קיין לאנדאן, אויף ביקור חולים ביים ברודער כ"ק אדמו"ר מוויזניץ שליט"א פון לאנדאן, און לכבוד די שמחת הקידושא רבא פון א אור אייניקל ביי ביידע ברידער האדמורי"ם שליט"א.
כ"ק אדמו"ר מקאשוי שליט"א קומט היינט אן אויף א באזוך אין לאס אנדזשעלעס לטובת מוסדותיו הקדושים, די אכסניא איז אין שטוב פון הנגיד החסיד ר' אפרים שמואל דויטש הי"ו, היינט נאכט קומט פאר א מעמד קבלת פנים לכבודו פונעם רבי'ן אין שטוב פון הנגיד החסיד ר' רפאל משה יוסף דויטש הי"ו.
היינט נאכט י"א אייר געפאלט די יומא דהילולא קדישא פון הרה"ק מראפשיץ זי"ע בעל זרע קודש, פילע אידן קומען אן צום שטאט לאנצוהט אין פוילין, צו פוקד זיין דעם ציון הק' בעצם יומא דהילולא. פילע אייניקלעך אדמורי"ם ורבנים וועלן אפרעכטן די יארצייט טישן ברוב עם.
אריינצושיקן מודעות און נייעס, שיקט אן אימעיל צו NEWS@JDNMAIL.COM
